Maxillen

Vun Wikipedia
(wiederwiest vun Böverkeven (Insekten))
Zur Navigation springen Zur Suche springen
Mundwarktüüg bi Insekten
lr: Böverlipp (Labrum) md: Böverkeven (Mandibel) mx: Unnerkeven (Maxille) lb: Ünnerlipp (Labium)
(A) Kau-Biet-Typ (Haupeer)  (B) Leck-Suug-Typ (Honnigimmen)  (C) Suugrüssel (Bottervagels)  (D) Steek-Typ (Steekmuggen

De Unnerkeven bi Kreeften un Insekten heet in de Fachspraak ok Maxillen. Bi de Insekten un bi de Tracheendeerter allgemeen sünd se en Deel vun de Mundwarktüüch.

Insekten[ännern | Bornkood ännern]

Insekten hefft sünnerlich spezielle Mundwarktüüch. De Upgaven sünd dorbi akraat fast leggt. De Böverkeven sünd de drüdde un veerte Extremität an den Kopp. De beiden eersten sünd de Antennen un de Ünnerkeven. En tweet Antennenpaar in mit de Evolutschoon verloren gahn.

De tweeten Maxillen sünd bi de Insekten jummers to en eenheitliche Ünnerlipp tosamen wussen. Düsse Ünnerlipp draff een nich mit de Böverlipp dör’nanner kriegen. De Böverlipp slutt de Mundwarktüüch na boven hen af, man se hett sik nich vun de Extremitäten her entwickelt. Bi Insekten vun den „Steek-Suug-Typ“ is de Ünnerlipp, de ut de tweeten Böverkeven tosamenwussen is, de Grundlaag för dat Suugrohr.

Kreeften[ännern | Bornkood ännern]

Ok bi de Kreeften hölpt de Unnerkeven normolerwiese bi dat Freten mit. Man dor is dat allens en Övergang un mol weert de Maxillen ok to’n Swimmen bruukt. Bi de Kreeften sünd se de veerte un föffte Extremität in’e Koppbost (Cephalothorax). Hier warrt ok vun „Unnerkevenfööt“ (Maxillipeden) snackt, wenn sik an de Unnerkeven noch annere Been as Mundwartüüch ansluten doot. So is dat bi’n Flusskreeft, de hett dree Paar Unnerkevenfööt