Arteria thyroidea superior
De Arteria thyr(e)oidea superior („bövere Schilddrüsenarterie“) is en Arterie vun’n Hals. Bi Deerter warrt se as Arteria thyroidea cranialis betekent.
Verloop
[ännern | Bornkood ännern]De Slagader kummt ut de Arteria carotis externa togang un höört to’t vördere Koppel vun Twiegen, de vun disse buteren Halsslagader afgaht. En roor Utnahmen kann se ok vun de Arteria carotis interna aftwiegen un is in den Fall de eerste Twieg vör de Arteria ophthalmica.
De Arteria thyroidea superior versorgt as Endtwieg den böveren Andeel vun de Schilddrüss mit suerstoffriek Blood un billt dorbi Anastomosen mit de Endtwiegen vun de Arteria thyroidea inferior, de över den Truncus thyrocervicalis ut de Arteria subclavia spiest warrt.
Vun de A. thyroidea sup. twiegt de nafolgend Bloodfatten af:
- Arteria laryngea superior („bövere Kehlkoppslagader“), de den böveren Deel vun’n Kehlkopp bit na de Stimmritz versorgt.
- Ramus cricothyroideus, de na’n Musculus cricothyroideus föhrt.
- Ramus sternocleidomastoideus, de den Musculus sternocleidomastoideus versorgt.