Arteria ophthalmica

Vun Wikipedia
De Arteria ophthalmica mit ehr Twiegen.

De Arteria ophthalmica is en Arterie in’t Rebeet vun Kopp, de bi Minschen dat Oog un de Ogenhöhl mit Blood versorgen deit.

Verloop[ännern | Bornkood ännern]

De Arteria ophthalmica twiegt vun de Arteria carotis interna af, glieks nadem se in de Schädelhöhl ringahn is. Ut den Schädel geiht se tohopen mit den Sehnerv dör den Canalis opticus wedder rut un deelt sik dorna in de nafolgen Twiegen op:

  • Arteria centralis retinae to’n Versorgen vun Sehnerv un Netthuut
  • Arteriae ciliares posteriores longae na de Lins un den vörderen Afsnitt vun’n Oogappel
  • Arteriae ciliares posteriores breves na de achteren Afsneed vun’n Oogappel
  • Arteria lacrimalis na de Tranendrüüs
  • Arteria supraorbitalis na de Steern
  • Arteriae ethmoidales anterior et posterior na de Seevbeenzellen
  • Rami musculares na de Ogenmuskels

Borns[ännern | Bornkood ännern]

  • Schiebler, Schmidt, Zilles: Zytologie, Histologie, Entwicklungsgeschichte, makroskopische und mikroskopische Anatomie des Menschen. 7. Oplaag. Springer, Berlin 1997. ISBN 3-540-61856-2.