Antje Harvey

Vun Wikipedia

Antje Harvey, borene Misersky (* 10. Mai 1967 in Meideborg), is en ehmalge düütsch Skilanglöpersche un Biathletin.

Werdegang[ännern | Bornkood ännern]

Misersky fung as Skilanglöperin an un wunn 1985 bi de Nordischen Skiweltmeesterschapen in Seefeld de Bronzemedaille mit de Staffel vun de DDR. As sück hör Vader Henner Misersky, de bit 1985 as Skilanglooptrainer vun de ostdüütsch Mannschap arbeiten, sück wiegern dee, sien Dochter de för A-Kader verordneten Dopingmiddel to geven, wurr he 1985 fristlos entlaaten. Antje Misersky sülvst muss hör Loopbahn in de DDR afsluuten, se is – ünner Druck sett – ut de Kinner- und Jöögdsportschool uttreeden.[1]

1989 kunn se all bevör de Grenz apen gung mit den Biathlon anfangen un wunn bi de Olympisch Winterspelen 1992 in Albertville Gold över 15 km (vör Swetlana Wladimirowna Petschorskaja un Myriam Bédard), Sülver över 7,5 km un mit de Staffel as ok 1994 in Lillehammer Sülver mit de Staffel. Bi de Weltmeesterschapen 1995 in Antholz wunn se Gold mit de Staffel. In' Weltcup hett se dree Siege haalt un veer wiedere Podiumsplätze.

In' Fröhjohr 1993 hett se Ian Harvey heiraadt, den se een Johr tovör bi en Amerikareise kennenlehrt harr, un is sietdem ünner de Naam Harvey an den Start gahn. 1995 hett se sück ut den Wettkampsport torüchtrucken un leevt mit hör Mann un de beid Döchter in Heber City (Utah), wo se tosommen mit hör Mann en Sportgeschäft bedrifft. Siet 2000 is se US-amerikaansch Staatsbörger.

2005 wurr Antje Harvey för hör modig Hollen in Berlin de Heidi-Krieger-Medaille, en Utteken vun den Vereen för Doping-Opfer-Hilfe, tospraaken.[2][3] 2012 wurrn se un hör Vader in de Hall of Fame vun den Düütschen Sport upnommen.

Literatur[ännern | Bornkood ännern]

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Barbara Bürer, Nils Klawitter (19. März 1998): Seit 1990 schmückt sich der Westen mit den Sportlern aus DDR-Produktion. Ihre Schöpfer stehen nun vor Gericht.. Die Zeit. Afropen an’n 1. April 2010.
  2. Grit Hartmann: Nicht um jeden Preis. Antje Harvey-Misersky erhält die Heidi-Krieger-Medaille. In: Berliner Zeitung. 21. Juli 2005, afropen an’n 1. April 2010.
  3. Friedhard Teuffel: Auszeichnung für Dopingopfer. In: Der Tagesspiegel. 22. Juli 2005, afropen an’n 26. November 2014.