Anthony James Leggett
Sir Anthony James Leggett (* 26. März 1938 in Camberwell, Süd-London) is Perfesser för Physik an der University of Illinois in Urbana. He gellt as anerkannte Autorität in de Theorie vun de Deeptemperaturphysik un wurr för sien Pionierarbeit up dat Rebeet vun de Suprafluidität mit den Nobelpries för Physik 2003 uttekent, de de Grundlagen to dat theoretisch Verständnis vun fleetigen un superfleetigen Helium un anner stark koppelten Superfleetigkeiten leggen deen. He muss sück den Pries aber mit Witali Lasarewitsch Ginsburg un Alexei Alexejewitsch Abrikossow deelen.
He geev dormit de Richt för de Erforschung vun de Quantenphysik makroskopisch dissipativer Systeme un de Gebruuk vun kondenseert Systeme to'n Test vun de Grundlagen vun de Quantenmechanik vör.
Werdegang
[ännern | Bornkood ännern]Leggett studeer an de Universität Oxford, wo he 1961 sien Bachelor-Afsluss maaken dee un 1964 bi Dirk ter Haar sien Doktertitel kreeg. Dornah weer he as Postdoc an de University of Illinois at Urbana-Champaign, de Universität Kyoto, in Oxford un Harvard. 1967 wurr he Lecturer un 1978 Perfesser an de University of Sussex. Siet 1983 is he Perfesser an de University of Illinois at Urbana-Champaign. 1972 bit 1974 weer he Gastperfesser an de Universität Tokio, 1976/77 in Ghana un 1983 an de Cornell University.
Utteknungen
[ännern | Bornkood ännern]He is Liddmaat vun de National Academy of Sciences (siet 1997), de American Philosophical Society, de American Academy of Arts and Sciences un de Russisch Akademie vun de Wetenschapen. Dorneben is he Fellow vun de Royal Society (Grootbritannien), de American Physical Society un vun dat American Institute of Physics, as ok Honorary Fellow vun dat Institute of Physics (Grootbritannien).
2002 kreeg he den Wolf-Pries in Physik un 1981 den Fritz London Memorial Prize.
Privates
[ännern | Bornkood ännern]Leggett is mit Haruko Kinase verheiraadt und hett een Dochter.
Schriften
[ännern | Bornkood ännern]- Physik. Probleme, Themen, Fragen. Birkhäuser, 1989 (engelsch Original: The problems of physics. Oxford University Press, 1987 und 2006)
- Quantum liquids. Bose condensation and Cooper pairing in condensed matter systems. Oxford University Press, 2006
Weblenken
[ännern | Bornkood ännern]
Anthony James Leggett. Mehr Biller, Videos oder Audiodateien to’t Thema gifft dat bi Wikimedia Commons.
- Anthony Leggett up de Sieden vun den Nobelpries (engelsch)
- Biographie bi de APS
- Schrödingers katze science.orf.at, afropen an' 18. März 2011