Alvesen
Dit Woort hett noch annere Bedüden: kiek dorför ünner Alvsen un Hans Alvesen.
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27318 | |
| Vörwahl: | 04256 | |
| Geograafsche Laag: | Koordinaten:52° 52′ N, 9° 9′ O52° 52′ N, 9° 9′ O | |
|
| ||
Alvesen (hoochdüütsch Alvesen) is en Dörp in de Gemeende Hilgermissen (Samtgemeende Graafschop Heien) in’n Landkreis Neenborg, Neddersassen.
Geografie
[ännern | Bornkood ännern]Dat Dörp liggt an’n Alveser See, wat en olen Arm von de Werser is, de sik in de Blenner Emte foortsett. Von’n Hauptarm von de Werser is de Oort üm un bi twee Kilometer wied weg.
De Naveröörd sünd Öste in’n Noorden, Dahlhusen un Doelbargen in’n Noordoosten, Magelsen in’n Oosten, Wienbergen in’n Süüdoosten, Hilgermissen in’n Süden, Wecheln in’n Süüdwesten, Eßendörp in’n Westen un Hustäe in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Mattfeld in’n Kanton Heien höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Vaagdie Magelsen in dat Amt Heien tohöört. Na 1885 weer dat in’n Kreis Heien. 1932 is dat Deel von’n Kreis Graafschop Heien worrn un 1977 von’n Landkreis Neenborg.
Siet dat 19. Johrhunnert höört Alvesen to de Gemeende Magelsen. De Gemeende Magelsen is an’n 1. März 1974 mit de Gemeenreform in Neddersassen Deel von de Gemeende Hilgermissen worrn.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 4 Füürsteden |
| 1812[2] | 45 |
| 1824[3] | 5 Füürsteden |
| 1. Dezember 1871[4] | 46 Lüüd, 6 Hüüs |
Religion
[ännern | Bornkood ännern]Alvesen is evangeelsch-luthersch präägt un höört to dat Kaspel von de Kark in Magelsen.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Von Alvesen loopt Straten na Magelsen in’n Oosten an de Landsstraat 201 un na Eßendörp in’n Westen an de Kreisstraat 142. De K 142 löppt in’n Westen na Mattfeld. De L 201 geiht in’n Noorden na Öste un dor an de L 203 ran. In’n Süden föhrt se över Hilgermissen, Ubbendörp un Meringen na Heien.
De Verkehr mit dat annere Över von de Werser löppt kumplett över de Brüggen von de L 203 twüschen Blenner un Veern un von de L 330 twüschen Heien un Hassel.
De nächste Autobahn is de Autobahn 27 (Afsnidd Bremen–Wasra). De Opfohrt 26 Veern-Oost liggt so 16 Kilometer in’n Noordoosten von Alvesen an de L 171.
De nächsten Bahnhööv sünd so bi teihn Kilometer wied weg in’n Süden de Bahnhoff Heien an de Bahnlien Syke–Eestrup un 13 Kilometer in’n Noordoosten de Bahnhoff Veern an de Bahnlienen Bremen–Hannover un Veern–Rodenborg.
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 9
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 110
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 18
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 12