Adolf Werner (Footballspeler)

Vun Wikipedia
Foto ut dat Johr 1910

Adolf Friedrich August „Adsch“ Werner (* 19. Oktober 1886 in Kiel; † 6. September 1975 ok dor) weer en düütsch Footballspeler. Van 1909 bit 1912 hett he 13 Lännerspelen maak un weer tietwies düütsch Rekordnatschonalspeler.

Loopbahn[ännern | Bornkood ännern]

Adolf Werner (6. v. l.) mit de
düütsch Footballnatschonalmannschap an’n 1. Juli 1912

Werner gull as de bedüüdenst düütsch Doorhöder vör den Eersten Weltkrieg. A‘'n 13. März 1909 geev he sien Debüt in de düütsch A-Natschonalmannschap in dat eerst offiziell düütsch Lännerspeel up engelschen Bodden. Trotz de 0:9-Nedderlaag gegen de Engelsch Footballnatschonalmannschap vun de Ameteure in Oxford kreeg he vun de engelsch Presse dörgahns goot, deels sogor överschwänglich Kritiken as ok Angebote vun engelsch Clubs, de hüm as Profi ünner Verdrag nehmen wullen. Bi dat olympisch Footballturnier 1912 in Stockholm stunn he in de Mannschap, de de Mannschap vun Russland mit 16:0 slahn dee, dat bit hüüd bestahn Rekordergevnis vun en düütsch Natschonalmannschap. He weer van 1911 bit 1912 (tietwies gemeensam mit Eugen Kipp un Camillo Ugi) Rekordnatschonalspeler vun Düütschland.

De Düütsch Meesterschap mit Holstein Kiel an’n 26. Mai 1912 weer sien gröttste Spood up Vereensebene, de Viezmeesterschap 1910 un de noorddüütsch Meesterschap in de Johren 1910 bit 1912 harr he all dorvör reckt.

Vun de 13 Lännerspelen hett he 9 wiels sien Tiet bi Holstein Kiel un 4 wiels sien Tiet bi den SC Victoria Hamburg maakt. Bi Victoria Hamburg speel he blots för en lütt Sett, wiel he de Genehmigung vun den Holstein-Vörstand kreeg, dor as Gastspeler uptoloopen.

Sonstiges[ännern | Bornkood ännern]

Beerdigung vun Adolf Werner
an‘n 11. September 1975

Werner, vun Berop Schösteinfegermeester, is an’n 6. September 1975 in dat Öller vun 88 Johren in Kiel an Hartverseggen storven.[1]

Werner harr mit Friedrich Werner un August Werner twee jüngere Bröers, de ok bi Holstein Kiel speelt hemm, wobi August ok Natschonalspeler wurr.

Weblinks[ännern | Bornkood ännern]

Enkeld Nahwiesen[ännern | Bornkood ännern]

  1. Vörlaag:Der Spiegel