August Werner (Footballspeler)

Vun Wikipedia
Zur Navigation springen Zur Suche springen

August Werner (* 6. März 1896 in Kiel; † 20. Oktober 1968 ok dor) weer en düütsch Footballspeler. He speel sowohl in’n Vereen as ok in de Natschonalmannschap as Afwehrspeler.

Leven un Vereen[ännern | Bornkood ännern]

August Werner, de jüngere Bröer vun Adolf „Adsch“ Werner, den bedüüdensten Doorhöder vun de düütsch Natschonalmannschap vör den Eersten Weltkrieg un Friedrich Werner, wurr in Kiel boren. Kört nah dat Enn’n vun den Eersten Weltkrieg keem he to de Störken nah Kiel, as de Speler vun Holstein Kiel dormals un noch jetzt överall nöömt wurrn. Nah blots een Johr is he to den Hamborger SV wesselt, wo he tosommen mit Hugo Fick, den Bröer vun den Natschonalspeler Willi Fick, spelen dee. In dat Johr dorup is he aber weer nah Kiel torüch gahn, wo he bit to dat Enn’n vun sien Karriere bleev. Ofschons he rechter Verteidiger weer, gull he as besünners goot Elfmeterschütten un weer, tosommen mit Theo Lagerquist unverzichtbar in de Kieler Afwehr. Nah den Tweeten Weltkrieg weer Werner noch en Tiet lang Ligaobmann vun Holstein Kiel. He es wohrschienlich an’n 20. Oktober, nah anner Borns aber ok an’n 22. Oktober 1968, in Kiel storven

Natschonalmannschap[ännern | Bornkood ännern]

1925 geev Werner up en Reis nah Skandinavien sien Natschonalmannschapsdebüt. He hett an’n 21. Juni gegen Sweden un an’n 26. Juni 1925 gegen Finnland jewiels een Lännerspeel bestreeden. Wiels man dat Speel gegen Sweden in Stockholm mit 0:1 verloren harr, kunn man fief Daag later in Helsinki mit 5:3 egen Finnland winnen. Werner hett dorbi vun de Striedereen tüschen de beid Südclubs 1. FC Nürnberg un SpVgg Fürth profiteert, deren Speler wegen en düersam Konflikt deelwies eerst gar nicht anreist sünd, un so loopend nee Speler insett wurrn mussen.

Berop[ännern | Bornkood ännern]

August Werner weer Polizeihauptmann in Kiel.

Literatur[ännern | Bornkood ännern]

  • Patrick Nawe u. a.: Chronik 100 Jahre – Holstein Kiel.
  • Hardy Grüne: Enzyklopädie des deutschen Ligafußballs. Agon