2,3-Bisphosphoglycerat

Vun Wikipedia
Strukturformel
Struktur von 2,3-Bisphosphoglycerat
Allgemeen
Naam 2,3-Bisphosphoglycerat
Annere Naams
  • 2,3-BPG
  • 2,3-Diphosphoglycerat (oolt)
  • 2,3-DPG (oolt)
Summenformel C3H8O10P2
CAS-Tall 138-81-8
Kortbeschrieven Weert fehlt
Egenschoppen
Molar Masse 266,04 g·mol–1
Phaas fast
Dicht Weert fehlt
Smöltpunkt Weert fehlt
Kaakpunkt Weert fehlt
Löslichkeit

wenig in Water: 10,2 g·l−1 (? °C)[1]

Sekerheitshenwiesen
Gefahrstoffkennteken
[2]
R- un S-Sätz R: —[2]
S: —[2]
Wietere Sekerheitshenwiesen
MAK [2]
Sowiet mööglich un tyypsch, warrt dat SI-Eenheitensystem bruukt. Wenn nich anners anmarkt, gellt de angeven Daten bi Standardbedingen.

2,3-Bisphosphoglycerat (2,3-BPG), olle Beteken: 2,3-Diphosphoglycerat (2,3-DPG), is en en cheemsche Verbinnen. Dat hannelt sik üm en C3-Körper mit en laadte Phosphatgrupp elk an’t 2. un 3. Kohlenstoffatom. Butendem hett de Verbinnen en laadte Carboxylgrupp an’t eerste C-Atom. Tosamen is dat Atom in Lösen (in Blood) fieffack negativ laadt.

Physioloogsch Bedüden[ännern | Bornkood ännern]

Billt warrt de Stoff in’n Rapoport-Luebering-Zyklus, en Nevenweg vun de Glykolyys, ut 1,3-Bisphosphoglycerat ünner Inwirken vun de Bisphosphoglyceratmutaas. Ünner physioloogsche Bedingen in’t Blood warrt ruchweg 20 % vun’t anfallen 1,3-Phosphoglycerats wiel de Glykolyys vun de Erythrozyten to 2,3-BPG ümwannelt. De annern 80 % dörloopt över dat 3-Phosphoglycerat den Hööftweg vun de Glykolyys.

2,3-BPG speelt en bannig wichtig Rull bi’t Reguleeren vun’t Hämoglobin (Hb). Wenn dat an de Tense-Form vun’t Hämöglobin (Desoxyhämoglobin) anbinnt, warrt disse Form bestännig maakt un kann nich in de R-Form övergahn, de geern Suerstoff binnt. Dormit warrt ok noch Suerstoff vun’t Hämoglobin afgeven, wenn en högeren Deeldruck vörliggt, as dat bi de T-Form ahn dat 2,3-PBG stattfinnt. 2,3-BPG maakt dat Anbinnen vun Suerstoff an’t Hämoglobin sworer, oder maakt dat anners rüm lichter, den an’t Hb bunnen Suerstoff aftogeven. Dormit warrt dat Gliekgewicht vun de Suerstoffbinnenkurv (HbO2 ↔ Desoxy-Hb) na rechts, also op de Siet vun’t Desoxy-Hb schaven. Dormit warrt kloor, dat ok mehr Suerstoff afgeven warrn kann bi relativ sietere Suerstoffopnahm. De Egenoort vun’t na rechts schuven vun de Suerstoffbinnenkurv hett praktische Utwirken för’t Bargstiegen un dat Duken. In’t Högentraining warrt disse Ümstand utnütt, üm toeerst den 2,3-BPG anstiegen to laten. Dordör warrt dör EPO vermiddelt en starkere Erythropoees anregt.

De Liddfööt hebbt as Atenpigment dat Hämocyanin. Bi jem övernimmt dat Lactat de Funkschoon vun dat 2,3-BPG, wat to’n Schuven vun’n middleren Deel vun de Suerstoffbinnenkurv na rechts föhren deit.

Bi Bloodkonserven mutt dat 2,3-BPG dör en Analogon as to’n Bispeel Glukoos oder Inosin uttuuscht warrn, vun wegen dat dat nich bestännig is un gau verfallt. In’n Lief warrt dat dorgegen jümmers nee wedder synthetiseert. Dat Gamma-Globulin vun’t fetale Hamoglobin (HbF) hett en lüttere Affinität to 2,3-Bisphosphoglycerat – d. h. dat binnt nich so goot dor an. Dormit liggt de Affinität to Suerstoff in’n Vergliek to dat Hamoglobin vun utwassen Minschen (HbA) höger. Dat maakt dat Överdrägen vun Suerstoff vun de Mudder na den Fetus lichter.

Borns an Anmarken[ännern | Bornkood ännern]

  1. Datenblatt vun de Human Metabolome Database (engelsch)
  2. a b c d e gifft noch keen Inorden, wo gefährlich de Stoff is