Wikipedia:Lenken

Vun Wikipedia

Lenks sünd Verwiesen op annere Sieden in de Wikipedia oder in't Internet.

Lenks in de Wikipedia warrt anleggt, wenn du en Woort in dubbelte eckige Klemmen settst: [[Hamborg]] (Hamborg). Wenn de Text vun den Lenk nich de sülve is as dat Teel, denn kannst du [[Hamborg|gröttste Stadt in Noorddüütschland]] (gröttste Stadt in Noorddüütschland) schrieven.

Welke Begrepen schöölt lenkt warrn?[Bornkood ännern]

Begrepen schöölt blots denn lenkt warrn, wenn se in't Thema wiederföhrt, wenn se Egennamen sünd oder wenn se en dörsnittlichen Modersprakler nich bekannt ween köönt. Dorbi warrt jümmer blots dat eerste Vörkamen in den Text lenkt.

Lenks to annere Wikipedias[Bornkood ännern]

Wikipedia gifft dat in vele Spraken und faken hebbt de ok Artikels to de sülven Themas. Disse Artikels köönt inbunnen warrn, wenn een Links in disse Foorm angifft: [[xx:Artikel]]. Artikel is de Naam vun den Artikel in de annere Wikipedia, xx is de Afkörten vun de Spraak na ISO 639 (to'n Bispeel nds för Neddersassisch, de för Düütsch, en för Engelsch). Lenks schöölt aver blots op Sieden wiesen, de nipp un nau dat sülve dorstellt. De Artikel Muus dröff also nich op en:Mouse wiesen, wiels de een sik mit de Huusmuus (Mus musculus) befaat un de annere mit de Gattung Müüs (Mus).

Disse Lenks kummt in en egen Afsnitt an't Enn vun den Artikel mit en Reeg för elk Lenk:

[[de:Artikel]]
[[en:Article]]
[[nl:Artikel]]

Weblenks sünd de Lenks op Sieden in't Internet, de nich to de Wikipedia höört. Se warrt normalerwies in en egen Afsnitt an't Enn vun den Artikel inföögt. Blots Lenks, de depere Informatschonen to dat Thema levert, schöölt angeven warrn.

So schall dat utsehn:

== Weblenks ==

* [http://www.siedenadress.org/ Titel un/oder kort Beschrieven vun de Siet] (Spraak vun de Siet)

De Överschrift Weblenks in de Mehrtall warrt ok bruukt, wenn dat to Begünn blots een Link is. De Adress mutt de vulle Adress mit http:// ween. Links schöölt ok blots op Sieden ünner dat Protokoll HTTP wiesen. Titel un/oder kort Beschrieven vun de Siet schall en Henwies geven, wat een dor finnen kann. Todem is dat sinnvull för alle Weblenks in Klemmen de Spraak antogeven, dormit een lieks weet, of de in Düütsch, Plattdüütsch, Engelsch oder noch wat anners is. Weblenks in frümde Spraken schöölt man blots bruukt warrn, wenn dat kene goden Websieden in Spraken gifft, de uns nohliggt (in disse Reeg: Plattdüütsch, Düütsch, Engelsch, Nedderlännsch, Däänsch).

Bispeel: