Straßborg

Vun Wikipedia
Wesseln na: Navigatschoon, Söök
Dat Straßborger Mönster, midden in de Ooldstadt

Straßborg (Hoochdüütsch Straßburg, frz. Strasbourg [[stʀazˈbuʀ]], in'n Straßborger Dialekt Schdroosburi), is de Hööftstadt vun de Region Elsass in'n Noordosten vun Frankriek. In de Stadt sülms wohnt bi 287.000 Lüde, mit de Gemeenden dor umto sünd dat bi 640.000 Inwahners.[1]

In Straßborg sitt en ganzen Barg vun Institutschonen vun de Europääsche Union: Europaraat, Europaparlament, Europääschen Gerichtshoff för Minschenrechten, Europääschen Börgerbeupdragten, Eurokorps un annere mehr. Vundeswegen versteiht sik de Stadt as „Hööftstadt vun Europa“[2]

Bavenhen sitt in de Stadt de Präfektur vun dat Département Bas-Rhin. De Präfektur hett ok de Verwaltung vun de beiden Arrondissements Strasbourg-Campagne un Strasbourg-Ville in'e Hand. Düsse Arrondissements sett sik tohopen ut acht un tein Kantonen. Straßborg is de gröttste Stadt in't Elsass, in Bas-Rhin un in den Stadtverband Straßborg (CUS).

Geographie[ännern | Bornkood ännern]

De Stadt liggt an den Illstroom, de sik in de Gemarken vun de Stadt vertwiegen deit. Up de Grande Île (Groot Eiland) liggt de histoorsche Ooldstadt. De ööstlichen Stadtdelen mit den Haben grenzt an den Rhien. gegen dat franzöös'sche Öwer över up de düütsche Siet liggt de Stadt Kehl. In Straßborg geiht de Canal de la Marne au Rhin to Enn.

De Stadt is updeelt in 14 Stadtdelen(Quartiers):

  • Centre (17.798 Inwahners)
  • Conseil des XV – Orangerie – Contades (25.312 Inwahners)
  • Cronenbourg (21.462 Inwahners)
  • Elsau
  • Esplanade – Bourse – Krutenau (23.605 Inwahners)
  • Gare - Halles – Tribunal – Porte de Schirmeck (24.000 Inwahners)
  • Hautepierre (17.305 Inwahners)
  • Koenigshoffen (16.119 Inwahners)
  • Meinau (16.627 Inwahners)
  • Montagne verte (12.149 Inwahners)
  • Neudorf – Musau – Port du Rhin (40.706 Inwahners)
  • Neuhof (19.658 Inwahners)
  • Poteries (7.305 Inwahners)
  • Robertsau – Wacken – Cité de l'Ill (19.557 Inwahners)

´

Belegen[ännern | Bornkood ännern]

  1. Population totale par sexe et âge regroupé (franzöös'sch)
  2. [1]; [2]; [3]