Sinuiju

Vun Wikipedia
Wesseln na: Navigatschoon, Söök
Laag von sinuiju binnen Noordkorea
Laag von de Gemeen Sinuiju binnen de Provinz Noord-Pyongan

Sinuiju is de Höövdstadt von de Provinz Noord-Pyongan in Noordkorea. De Stadt liggt direkt an de Grenz na China an’n Grenzstroom Yalu, dicht bi de Münn von Yalu in de Bucht von Korea. Se hett 288.112 Inwahners (Stand 1. Januar 2005) op en Rebeed von 180 km². En Deel von de Stadt weer Deel von de Sünnerverwaltensregion Sinuiju.

Historie[ännern | Bornkood ännern]

De Stadt Sinuiju is in de Tied von de Japaansche Herrschop in Korea 1910 bet 1945 grünnt worrn. De Naam kummt von de Stadt Uiju af, de so bi teihn Kilometer na’n Oosten to liggt. Sinuiju bedüüdt Nee-Uiju. An de Steed harrn de Japaners en Brügg över’n Yalu boot (de hüdige Sinokoreaansche Fründschopsbrügg). Besünners de Holtindustrie, de jemehr Produkten den Yalu daltransporteert hebbt, hett bi dat Utwickeln von Sinuiju mithulpen. Nadem de Supung-Staudamm boot worrn is, harr de Stadt ok Togang to goodkopen Stroom un en Chemieindustrie hett sik utwickelt.

In’n Koreakrieg is de Stadt swoor utbummt worrn. Alleen bi’n Luftangreep an’n 10. November 1950 hebbt 79 US-amerikaansche B29-Bomber 550 Tunnen Brandbummen op de Stadt afsmeten.

Verkehr[ännern | Bornkood ännern]

De Pyongui-Lien verbinnt Sinuiju per Iesenbahn mit Pjöngjang. Mit de Iesenbahnbrügg över den Yalu na China is Sinuiju ok de wichtigste Grenzövergang för den Hannel mit China. De Stadt hett ok en lütten Flegerhaven mit en Lannbahn von 1,2 km. Ok en Haven hett de Stadt.

Stadtdelen[ännern | Bornkood ännern]

Sinuiju is opstunns opdeelt in 24 Stadtdelen un veer Dörper.[1]

Naam Chosŏn'gŭl Hancha
Apkang 압강동 江|洞
Chaeha 채하동 霞|洞
Chongsong 청송동 松|洞
Haebang 해방동
Kaehyok 개혁동
Kunhwa 근화동 花|洞
Kwanmun 관문동 門|洞
Namha 남하동 下|洞
Namjung 남중동 中|洞
Namsang 남상동 上|洞
Namso 남서동 西|洞
Namsong 남송동 松|洞
Oil 오일동 一|洞
Paeksa 백사동 沙|洞
Paekun 백운동 雲|洞
Ponbu 본부동 部|洞
Sinnam 신남동 南|洞
Sinwon 신원동 元|洞
Yokjon 역전동 前|洞
Hadan 하단리 端|里
Sangdan  상단리 端|里
Taji  다지리 智|里
Songso 성서리 西|里

Kultur[ännern | Bornkood ännern]

Sport[ännern | Bornkood ännern]

De wichtigste Sportvereen von Sinuiju is Lokomotiv Sinuiju, de in’t Sinuiju-Stadion speelt un al fakener noordkoreaansch Footballmeester worrn is.

Lüüd[ännern | Bornkood ännern]

De Marathonlöper Sohn Kee-chung is 1912 in Sinuiju boren.

Footnoten[ännern | Bornkood ännern]

  1. http://nk.joins.com/map/i032.htm


Koordinaten:40° 6′ N, 124° 24′ O