Philosophie

Vun Wikipedia
Wesseln na: Navigatschoon, Söök

De Philosophie (greeksch „φιλοσοφία“ philosophía, up Platt ‘Leev to de Klookheit’) is de Wetenschop, de sik dormit befaten deit, de Welt un dat Leven un Wesen vun de Minschen to verstahn. To’n Unnerscheed vun annere Wetenschoppen, is se nich bloß tostännig för en Deel vun dat Ganze. Se gifft sik mit allens af un kennt keen Grenzen.

In den Westen füng dat mit de Philosophie an in dat 6. Johrhunnert v. Chr.. Dormols grenzen sik de Antike Philosophie un de Mathematik af vun dat Weltbild vun den Mythos mit sien Dööntjes. De Minschen füngen an, de Welt wetenschoplich to unnersöken.

De wichtigsten Unnerdelen vun de Philosophie sünd de Logik (as de Wetenschop vun dat Denken mit Sinn un Verstand), de Ethik (as de Wetenschop vun dat richtige Doon) un de Metaphysik (as de Wetenschop vun de eersten Grünn vun allens, wat is, un vun de Würklichkeit). Annere Unnerdelen sünd de Kennistheorie un de Wetenschopstheorie, de sik befaten doot mit de Mööglichkeiten vun de Kennis ganz allgemeen un ok mit de Aarten, wie in de enkelten unnerschedlichen Wetenschoppen düsse Kennis vun de Wohrheit för sik geiht.