Parnass

Vun Wikipedia
Wesseln na: Navigatschoon, Söök
De Barg Parnass

De Parnass (greeksch Παρνασσός / Parnassós, lat. Parnassus) is en Barg in Grekenland. He is 2.455 Meter hooch. Dor is he de tweethööchste Barg in Grekenland mit. An'n süüdwestlichen Enne liggt Delphi. In de Greeksche Mythologie höört de Barg to den Gott Apollon sien Riek to. Dor schöllt ok an den Kastaalschen Born de Musen tohuse ween. Dorüm warrt „Parnass“ ok as Sinnbild un as en anner Woort för de verscheden Künste bruukt, wo de Musen för tostännig sünd.

In de Antike hett se den Barg den „tweetoppten“ nömmt. Apoll schall hier de Slang Python verwunnt hebben. Na de grote Floot, wo Zeus dat Gollen Tiedöller mit to Enn bröcht hett, schöllt Deukalion un Pyrrha up den Parassos lannt hebben. In dat Tiedöller vun den Barock weer de Parnass en Bild för dat glückliche Land vun de Künste un den Freden. De Montparnasse in Paris hett sien Naam vun düssen Barg.

Toppen[ännern | Bornkood ännern]

Den Parnass sien hööchsten Topp is de Liakoura (Λιάκουρα) mit 2455 Meter.

Annere Toppen sünd:

  • Tsárkos (Τσάρκος), 2415 m
  • Jerontóvrachos (Γεροντόβραχος), 2395 m
  • Kalójiros (Καλόγηρος), 2327 m
  • Mávra Lithária (Μαύρα Λιθάρια), 2326 m
  • Voidomáti (Βοϊδομάτι), 1947 m
  • Petrítis (Πετρίτης), 1923 m
  • Pyrgákia (Πυργάκια), 1718 m

De Parnass in de Kunst[ännern | Bornkood ännern]

Apollo un de Musen up Parnassus (Nicolas Poussin, 17. Johrhunnert)
De Parnass vun Anton Raphael Mengs, 18. Johrhunnert

Bit in dat 18. Johrhunnert weer de Parnass mit Apollo un de Musen en Thema, wat geern bruukt wurrn is. Bispelen:

Kiek ok bi[ännern | Bornkood ännern]