Péter Dely

Péter Dely (* 5. Juli 1934 in Sárospatak; † 29. Dezember 2012) weer en ungaarsch Schachmeester.

Dely wurr 1962 Internatschonaler Meester un 1999 Ehren-Grootmeester. He hörr in de 1960er un 1970er Jahren to de starkst ungarisch Speler un wurr 1969 Landsmeester. För de ungaarsche Natschonalmannschap nehm Dely tweemal an Mannschapseuropameesterschapen deel. 1965 wunn he mit de Mannschap Bronze und 1970 de Sülvermedaille.^[1]

Dely hett in folgend Turnieren wunnen oder vördere Platzen beleggt: I. Platz in Reggio nell’Emilia (1960/61), I-II. Platz in Polanica-Zdrój (1965)^[2], I. Platz in Budapest (1967), I. Platz in Bagneux (1970) un I-II. Platz in Luxemborg (1971)^[3].

Sien best historsch Elo-Tall weer 2584 in‘ Januar 1971. Siet dat Johr 2000 is he bi de FIDE aber as nich mehr aktiv führt wurrn.

In sien Partie mit Swaart tegen Károly Honfi bi de ungaarsch Meesterschap 1965 hett Dely eerstmals en Buernopfer in de Taimanow-Variante in de Siziliaansch Verteidigung utprobeert. Disse Toog wurr berühmt, as Garri Kasparow de tegen Anatoli Karpow mit Spood in twee Partien bi de Schachweltmeesterschap 1985 speel. Hüüd wurrd de Variante faken nah beid Speler Kasparow-Dely-Gambit nömmt.