Natalie Portman
Natalie Portman (* 9. Juni 1981 in Jerusalem, Israel; boren as Natalie Hershlag) is en israeelsch-US-amerikaansche Schauspelersche.
Se hett to Anfang vun ehr Karrier den Deernsnaam vun ehr Grootmoder Portman as Künstlernaam wählt. Ehr eerste grote Rull weer mit 13 Johren in’n Film Léon vun 1994.
Ehr israeelsch Vader, Dr. Avner Hershlag, arbeid in’e Tiet, as siene Dochter boren worrn is, as Dokter in Jerusalem, ehr jüüdsch-US-amerikaansche Moder weer Huusfro. Nadem ehr Vader en Stell in de USA funnen harr, toog se in’t Öller vun dree Johren mit ehr Familie na Maryland. In de Johren, de folgen, wessel de Familie, wegen den Beroop vun ehr Vader, en poor Maal den Wahnoort, ünner annern na New Haven un New York.
Bi’t Vörspreken för de Rull vun de Mathilda in Léon kunn se sik dörsetten un speel en Weetdeern, dat bi en Opdragskiller ünnerkummt un den Dood vun ehr Öllern trüchbetahlen will.
Se speel denn ok in Mars Attacks!, Woody Allen sien Musicalfilm Everyone Says I Love You un annere Filmen mit. För den Film mit Allen weer se för en YoungStar Award nomineert. 1999 möök se för dat Theaterstück The Diary Of Anne Frank an’n Broadway en Filmpuus.
Eerst för de dree Star-Wars-Filmen geev se disse Rull wedder af. 1999 harr se an de Harvard-Universität en Psychologie-Studium anfungen, dat se 2003 mit Spood un Bachelor-Afsluss toenn brocht hett. Aktuell studeert se an de Hebrääsche Universität Jerusalem.
2005 kemen dree Filmen mit ehr in de Kinos: Star Wars Episode III: Revenge of the Sith, Closer un de Independent-Produktschoon Garden State.
De eersten Priesen för ehr Schauspeel-Talent kreeg se 2005 för Closer. Se kreeg in Los Angeles den Golden Globe för de beste Blangenrull as Fro in en Drama. För de sülve Rull weer se ok för den Oscar 2005 in de Kategorie Beste Dorstellersche in en Blangenrull nomineert.
2005 stah Portman ok för den Film V for Vendetta in Berlin vör de Kamera. De 1,58 m grote Schauspelersche snackt, vun wegen dat se in twee Spraken optrocken is, perfekt Engelsch un Hebrääsch un en beten Franzöösch, Japaansch un Düütsch.
[ännern] Filmografie
[ännern] Theateroptreed
[ännern] Weblenken
- Natalie Portman in de Internet Movie Database
- Düütsche Fansiet (hoochdüütsch)
- Internatschonale Fansiet (engelsch)
