Mira (Steern)

Vun Wikipedia
Wesseln na: Navigatschoon, Söök
Mira
Cetus constellation map.png
Positschoon un Beteken
Steernbild Cetus; Cet
Rektaszension 2h19m20,79s
Deklinatschoon -2°58'39,5"
Annere Naams
Bayer-Beteken ο
Flamsteed-Tall 68
Bright-Star-Kataloog HR 681
Henry-Draper-Kataloog HD 14386
SAO-Kataloog SAO 129825
Physikaalsch Parameter
Afstand 420 ± 60 Lj
schienbor Helligkeit +2,0 – +10,1
Spektralklass M7 IIIe
Sünnerheiten Ännerlich, Dubbelsteern

Mira is en Dubbelsteern in’t Steernbild Waal, de sik ut den Roden Rees Mira A un den Witten Dwarg Mira B oder VZ Ceti tosamen sett. Sien Bayer-Beteken is ο Ceti (Omikron Ceti). De Hööftsteern Mira A is en ännerlichen Steern, de as Prototyyp för all Mira-Steerns gellt. Sien Afstand vun de Eer liggt bi üm un bi 419 Lichtjohren.

Beschrieven[ännern | Bornkood ännern]

De Rode Rees Mira

Mira A is en Roden Resensteern vun de Spektralklass M (Hipparcos Datenbank). De Steern ännert sien Lüchtkraft mit en Periood vun ruchweg 331 Daag üm mehrere Gröttenklassen, wobi de Periood nich nipp un nau kunstant is, un ok nich de Minima un Maxima vun de Helligkeit. In’t Maximum kann de schienbore Helligkeit bit op +2m,0 stiegen, wat an’n Nacht himmel al teemlich opfallig is. In’t Minimum kann de Helligkeit aver bit op de 9. oder 10. Gröttenklass affallen. Denn kann een denn Steern nich mit mit free Oog sehn. In dat afsluute Maximum is Mira üm un bi 1700 mol heller as in dat afsluute Minimum. Man, in’t Rebeet vun’t Infraroot, in dat Mira den gröttsten Deel vun de Strahlen utsennt, is dat Maximum blots sössmol heller as dat Minimum.

Mira hett en middleren Dörmeter vun ruchweg 553,5 Mio. km, wat ungefähr dat 400-Facke vun den Sünndörmeter is. Mira is dormit so groot, dat dat Hubble-Teleskop den Steern as Schiev oplösen kann un nich blots as Punkt sütt.

Opdeckt weer Mira an’n 13. August 1596 vun den oostfrees’schen Pastoren un Amateurastronom David Fabricius. In’t Johr 1639 hett Johann Ph. Holwarda denn faststellt, dat de Steern sien Helligkeit mehr oder minner regelmatig ännert. Wegen disse Egenoort, hett de Steern vun Johannes Hevelius sien Naam kregen – Mira, de „Wunnersome“ . De lichtswacke tweeten Steern VZ Ceti weer 1923 dör R.G. Aitken opdeckt, de üm Mira mit en Ümlooptiet vun ruchweg 400 Johren kreist.

Op Opnahmen vun dat NASA-Weltruumteleskop GALEX is 2007 opdeckt worrn, dat Mira as opstunns eenzige Steern en bannig groten Steert opwiest as bi de Kometen. Miras Steert reckt över en Läng vun 13 Lichtjohren.[1].

Ultravigelett-Bild vun den kometenordigen Steert.

Borns[ännern | Bornkood ännern]

  1. A Star with a Comet's Tail, NASA Headline-News, 15. August 2007

Weblenken[ännern | Bornkood ännern]