Mindstorm (Film, USA)

Filmdaten
Originaltitel:	Mindstorm
Düütsch Titel:	Mindstorm
Produkschoonsland:	Düütschland
Johr vun’t Rutkamen:	2001
Läng:	96 Minuten
Originalspraak:	Engelsch
Öllersfreegaav in Düütschland:	FSK 16
Filmkru
Speelbaas:	Mitchell Cox
Dreihbook:	Terri Neish Patrick Phillips Phillip J. Roth
Produkschoon:	Jeffery Beach Melanie J. Elin John Lee Whitener
Musik:	Scott Clausen
Kamera:	Todd Barron
Snitt:	Ken Peters
Szenenbild:	Kes Bonnet
Kledaasch:	Boryana Semerdjieva
Dorstellers
Judge Reinhold: Evan Mink Victor Brown: Jerry Cheminsky William Zabka: Rojack Rositza Chorbadjiska: Silvia Cheminsky Jochen Nickel: Hans Martina Stela Prokopieva: Jules Denton Julian Vergov: Preznev Walentin Ganew: Dr. Skovak Janko Andrei Batashov: David Ivan Balsamagiev: Zigeuner-Anführer Milen Vangelov: Vladimir Cheminsky Antoaneta Dobreva: Maria Cheminsky

Mindstorm (op plattdüütsch so veel as „Storm vun’n Verstand“) is de Titel vun en US-amerikaanschen Science-Fiction-Film ut dat Johr 2001. De Hööftrullen vun den Actionfilm warrt speelt vun Judge Reinhold, William Zabka un Victor Browne. Speelbaas weer Mitchell Cox. De Film is in Sofia un annere Öörd in Bulgarien dreiht worrn.

Inholt

De Tweeschen Jerry un Silvia hebbt sünnere telepaatsche un telekineetsche Gaven un warrt dorüm vun’n KGB roovt. Jemehr Öllern warrt dorbi dootschaten. Wiel Silvia bi Pleegöllern opwassen deit, kummt Jerry in dat Forschungsprojekt Mindstorm, dat as Teel hett, de telekineetschen Kräft militäärsch to nütten. In en US-Militäroperatschoon warrt teihn Johren later versöcht, geheeme Ünnerlagen vun dat Projekt in de Fingers to kriegen. De Misschoon hett keen Spood, man de Leider vun de Operatschoon, Evan Mink, kann jüst noch ut dat Feendrebeet ruthalt warrn.

In de Nutiet, in’t Johr 2000, hebbt de USA dat Projekt Mindstorm övernahmen. Jerry is inwtüschen in en geheem Lager in Bulgarien in sien mentalen Anlagen utbillt worrn. As he in sien letzten Test aflehnt, sien Kameraad David doottomaken, warrt de vun den Projektbaas Rojack dootschaten. Jerry brickt dorophen ut un maakt sik op de Söök na sien Süster, vun de he in en geheem Dokument leest hett.

Rojack wennt sik an Mink, de na sien vermasselten Militäroperatschoon in de USA nich mehr wünscht weer un intwüschen en Dresden en rünnerkamen Leven föhrt. He schall nu Jerry – mit Ünnerstütten vun Hans Martina un Jules Denton – in’n Opdrag vun de CIA finnen un torüchhalen. Dorför warrt em versproken, dat sien Akten wedder rein maakt warrt. Man, ok de KGB hett intwüschen en Sünnerkommando op em ansett. Dat kummt to en Wettloop üm Jerry. Opletzt künnt so nix dorgegen doon, dat de Russen Jerry un sien Süster toeerst in de Hannen kriegt.

As de beiden mit en Fleger wegbröcht warrn schüllt, kann Jerry'de russ’schen Gegners mit Hülp vun sien telekineetschen Kräft utschalten. De Fleger stört af, man Jerry un Silvia kamt mit hele Huut dorvun af. Tosamen mit Mink un sien Lüüd kriggt Rojack nu doch de beiden tofaten. Man, dta stellt sik rut, dat he jem doch blots wedder an de Russen utlevern will, de em för Jerry un Silvia en hogen Pries versproken hebbt. Bi den Versöök uttoneihn kummt dat to en korte Scheteree, bi de Silvia un Rojack swoor besehrt warrt. Jerry sett sien övernatürlichen Kräft in, üm beide gesund to maken, worophen Mink jem lopen lett. An’t Enn warrt wiest, dat Jerry sik entslaten hett, sien sünnere Gaav as Wunnerheler to bruken, üm de Minschen dormit to hülpen.

Kritik

• Oliver Anter kritiseer op Digitalvd.de, dat „Mindstorm“ sik as ünnerklassigen Action-B-Movie wiesen de, de nich övertüüg. De Film harr blots wenige Actionszenen, de ok nich övertügen deen. De Geschicht weer nich goot dördacht, nich sünnerlich goot inszeneert un an eenige Steden ok slecht to verstahn.

• Video.de schreev, dat William Zabka un Judge Reinhold sik dat dormols bi Karate Kid un Beverly Hills Cop nich drömen laten harrn, dat se jemehr Utkamen twintig Johren later gegen finnische Münten in en Low-Budget-Produkschoon wiet achter den dormoligen Iesern Vörhang as russ’sche Geheemagenten verdenen müssen. Bi strahlen Sünnschien mit en poor ganz go’e Effekten blangento nimmt dat gröttstendeels ünnerhollern B-Actionfüerwark sien Loop. Actionfrünnen weern en beten beter bedeent as Anhangers vun de Science Fiction.

Weblenken

• Mindstorm in de Internet Movie Database (engelsch)