Middelgreeksche Spraak

Vun Wikipedia
Middelgreeksche Spraak

Snackt in

in de Kuntreien üm dat ööstliche Middelmeer ümto
Sprecher is keen lebennige Spraak mehr
Klassifikatschoon
Spraakkoods
ISO 639-1

grc

De Middelgreeksche Spraak is de Form vun de Greeksche Spraak ween, de twuschen den Anfang vun dat Middelöller üm 600 rüm un dat Innehmen vun de Stadt Konstantinopel in dat Johr 1453 dör dat Osmaansche Riek bruukt wurrn is. Middelgreeksch weer vun dat 7. Johrhunnert af an de Staatsspraak vun dat Riek vun Byzanz. Dor warrt dat ok „Byzantiensch Greeksch“ üm nömmt. In de Engelsche Spraak un in de Neegreeksche Spraak warrt dor de Naam „Greeksch vun dat Middelöller“ för bruukt. Af un an warrt ok seggt, mit de Middelgreeksche Spraak güng dat al in dat 4. Johrhunnert los. Mag angahn, dat weer al losgahn, as de Hööftstadt vun't Riek na Konstantinopel ümleggt wurrn is, mag avers ok angahn, dat düsse Spraak eerst upkeem, as dat Röömsche Riek deelt wurrn is. Dat Greeksch vun dat Middelöller verbinnt de Greeksche Spraak vun de Antike un vun de Nutiet. De Literatuur vun dat Middelgreeksch steiht noch stark ünner den Indruck vun de Ooltgreeksche Spraak. Up de annere Kant hett de Spraak, so, as se just snackt wurrn is, de meisten Egenoorden vun de Neegreeksche Spraak utbillen könen.

Dat Utforschen vun de Middelgreeksche Spraak un Literatuur is en Afsnitt vun de Byzantinistik, de sik mit de Geschicht un de Kultuur in de byzantiensche Welt ut'neen setten deit.

Wie sik de Grenzen vun dat Byzantiensch Riek verännert hefft.