Marcus Aemilius Lepidus (Triumvir)

Vun Wikipedia
Wesseln na: Navigatschoon, Söök
Marcus Aemilius Lepidus

Marcus Aemilius Lepidus (* um 90 v. Chr. rüm; † 12 v. Chr.) is en Söhn vun den röömschen Kunsel mit sülvigen Naam ween. Lange Johre weer he en Anhänger vun Caesar. Mit den latern Kaiser Augustus un mit Marcus Antonius weer he een vun de dree Mannslüde vun dat Tweete Triumvirat („Dreemannschop“).

49 v. Chr. is Lepidus Praetor ween. He hett dden Andrag stellt, datt Caesar to'n Diktater beropen weern scholl. Dormols harr Caesar just gegen de Anhängers vun Gnaeus Pompeius Magnus in Hispanien wunnen. Pompeius weer al an'e Siet maakt wurrn. Achterna is Lepidus Statthöller vun Hispania citerior wurrn un 46 v. Chr. weer he, tohopen mit Caesar, röömschen Kunsel. Wenn Caesar sien Amt as Diktater utöven dö, hett Lepidus em as Magister equitum to Siet stahn.

As Caesar in de Iden vun den März in dat Johr 44 v. Chr. an'e Siet bröcht wurrn is, stunn Lepidus mit en Heer vör de Stadt un woll dor mit na de Provinzen Gallia Narbonensis un Hispania citerior aftrecken, de Caesar em in'e Hand geven harr. As Marcus Antonius de Slacht vun Mutina 43 v. Chr. verlaren harr, hett Lepidus mit em un mit Octavianus dat tweete Triumvirat afmaakt.

Siene beiden Kollegen hefft dor för sorgt, datt Lepidus jummers minner to seggen harrt hett. Toeerst hett he de beiden Provinzen kregen, de ok vördem al unner siene Verwaltung stahn harrn, denn is he torechtstuukt wurrn un bloß noch Africa is för em överbleven. As he 36 v. Chr. in de Tieden vun den Krieg gegen Sextus Pompeius mit en Armee up Sizilien ankeem, hett Octavian em all Macht wegnahmen. Bloß Ponifex Maximus dröff he blieven, en Amt, wat he na den sien Dood 43 v. Chr. vun Caesar övernahmen harr. He is in dat Johr 12 v. Chr. sturven un de meisten Lüde harrn em dor al ganz vergeten.