Sizilien

Vun Wikipedia
Satellitenbild von Sizilien

Sizilien is en Eiland in de Middellandsche See, dat dör de Straat von Messina trennt vör de Süüdspitz von Italien liggt. Dat Eiland hett 4.960.000 Inwahners un is 25.426 km² groot. De höögste Punkt is de Ätna mit 3323 m över de See, de Küst is 1152 Kilometer lang. Sizilien billt tohoop mit en poor lüttjere Eilannen de Autonome Region Sizilien. De gröttste Stadt von Sizilien, Palermo is ok de Hööftstadt von de Autonome Region.

Lüüd[ännern | Bornkood ännern]

Op Sizilien leevt vör allen Italieners. 97 Perzent sünd röömsch-kathoolsch. Snacken doot se de italieensche Standardspraak oder Siziliaansch. Blangen Italieners gifft dat in’n Westen aver ok noch en poor Öörd (to’n Bispeel Piana degli Albanesi un Santa Cristina Gela), in de sik in vergangen Johrhunnerten Albaniers ansiedelt hebbt. Disse Lüüd heet Arbëresh un snackt deelies noch jemehr Arbëresh-Albaansch. In de Midd un in’n Noordoosten von dat Eiland gifft dat en Reeg Öörd, in de de Lüüd nich Siziliaansch as Dialekt snackt, man noorditalieensche Dialekten. Dit Gallo-Itaalsch von Sizilien is dör Inwannerers op dat Eiland kamen un över Johrhunnerten bewohrt worrn.

Weblenken[ännern | Bornkood ännern]

Sizilien. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:37° 34′ N, 14° 16′ O