Mairie Meyenborg
De Mairie Meyenborg weer in de Franzosentied (1810 bet 1813) een von de dree Mairien, in de de Kanton Hagen indeelt weer. De Seet weer in Meyenborg. Se harr 2882 Inwahners.[1]
Historie[ännern | Bornkood ännern]
De Ümgegend von Meyenborg hett vör de Franzosentied to’n Bezirk Oosterstood un de Böörd Braamst von dat Amt Hagen un de Gerichten Neenhusen un Meyenborg in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.
Binnen Westfalen weer de Mairie Meyenborg een von de twölv Mairien in’n Kanton Hagen von’n Distrikt Bremervöör, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Meyenborg weer nu een von de dree Mairien in’n Kanton Hagen, Distrikt Bremerleh, Departement von de Wersermünnen. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to de dree Mairien Meyenborg, Wolsbuddel un Aschwarden (all dree in’n Kanton Hagen) höört harrn.
1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.
Öörd[ännern | Bornkood ännern]
Dor hebbt düsse Öörd tohöört:
- Kaiserriek Frankriek:[1]
Vondaag sünd düsse Öörd Deel von de Gemenen Hagen un Swonewebel.
Footnoten[ännern | Bornkood ännern]
- ↑ a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 104
- ↑ a b Bulletin des lois du Royaume de Westphalie. Königliche Bookdruckeree, Kassel 1810, Sied 14