Langendoahl
Langendoahl is en Stadtdeel vun de lüttje Stadt Dringelborg in Noordhessen in dat Werserbargland. De hoochdüütsche Naam vun Langendoahl is Langenthal.
Historie[ännern | Bornkood ännern]
Langendoahl is grünnt wurrn in dat Johr 1168.Bit to'n 31. Dezember 1970 weer Langendoahl en sülvstännig Dörp, man denn is dat mit söben annere Gemeenden un de lüttje Stadt Dringelborg to de nee Stadt Dringelborg tohopenslaten wurrn.
Geographie[ännern | Bornkood ännern]
Dat Dörp liggt 3 km süüdlich vun de Werser un 4 km in'n Westen vun de Diemel. Dat liggt woll bi 285 m över NN. De ole Oort Dringelborg (Stadtmidden) liggt 5 km in'n Süüdoosten, Beverungen 5,5 km nöördlich, Kassel 34 km süüdlich, Patterbuorn 42 km noordwestlich un Hannober 86 km noordwestlich.
De Oort höört to den Landkreis Kassel to. Dor wahnt üm un bi 800 Inwahners. De Postleettall is 34388 un dat Auto-Kennteken KS.
Weertschop un Tourismus[ännern | Bornkood ännern]
Industrie gifft dat in den Oort gor nich. Mit de Bueree is dat in de lesten Johren minner wurrn, man dat Dörp is bekannt vunwegen sien Anboo vun Kassberen. In Langendoahl gifft dat allerhand schöne Fackwarkhüser to sehn. Nich wiet af gifft dat allerhand Saken, de een sik ankieken kann, as de Sababorg in den Reinhardswald, de Borg Dringelborg un de Krukenborg. Bavenhen is dat nich wiet na Korlshoawen, Höxter un Geismar. Övernachten kann een in en Gasthuus un in en Reeg vun Ferienwahnungen.
Spraak[ännern | Bornkood ännern]
Langendoahl höört to de Gemarken in Hessen, wo an un for sik Plattdüütsch snackt wurrn is. Hüdigendags warrt tomeist Hoochdüütsch snackt.