Landkreis Kassel

Vun Wikipedia
Wesseln na: Navigatschoon, Söök
Wapen Koort
Wapen vun den Landkreis Kassel Dor liggt de Landkreis Kassel in Düütschland
Wat dat to weten gifft
Bundsland: Hessen
Regeernsbezirk: Kassel
Sitt vun de Verwalten: Kassel
Grött: 1.292,76 km²
Inwahners: 241.787 (31. März 2007)
Inwahnerdicht: 187 Inwahners up een km²
Kreisslötel: 06 6 33
Auto-Kennteken: KS
Ünnerdelen vun den Kreis: 29 Gemeenden
Adress vun de Kreisverwalten: Wilhelmshöher Allee 19-21
34117 Kassel
Websteed: www.landkreiskassel.de
Landraat: Dr. Udo Schlitzberger (SPD)
Kaart
Dor liggt de Landkreis Kassel in Hessen

De Landkreis Kassel is en Landkreis in den Regeernsbezirk Kassel in Noord-Hessen. In'n Noorden grenzt de Landkreis an den Landkreis Noordheim, de to Neddersassen tohören deit, in'n Oosten an den neddersassischen Landkreis Göttingen un an den Werra-Meißner-Kreis. In'n Süden is de Schwalm-Eder-Kreis Naber, in'n Westen de Landkreis Waldeck-Frankenberg un in'n Noordwesten de Kreis Höxter, de to Noordrhien-Westfalen tohören deit. Sitt vun den Landkreis is de Stadt Kassel, de avers süms nich to den Kreis töhöört.

Geografie[ännern | Bornkood ännern]

De Gemarken vun den Kreis ümfaat dat Kasseler Becken un dat Wulfenhagener Becken. De sünd vun'anner scheedt dor dat Habichtswolder Bargland mit den Herkules (515 m). In'n Oosten vun den Kreis flutt de Fulda vun Süden her dör Kassel dör. Nadem geiht se in Hannobersch Münnen mit de Werra to de Werser tosamen un flutt um den Reinhardtwold ümto. In düsse Gegend is de Werser de Grenz na Neddersassen hen. Ganz in'n Noorden vun den Kreis bi Korlshoawen lett se den Landkreis denn achter sik.

Historie[ännern | Bornkood ännern]

Stadt un Kreis Kassel, 1905.

Grote Delen vun den hüdigen Landkreis sünd just de Gemarken, wo dat germaansche Volk vun de Chatten in leevt hett. Dat weern de Hessen ehre Vöröllern. In dat fröhe Middelöller harrn sik verschedene Försten vunwegen dat Land in'e Klatten. Hessen, Kurmainz, Patterbuorn, Kurköln un de Hartog vun Brunswiek streden sik dor üm, wer dor dat Seggen hebben scholl. Man as denn eerst mol de nee Landgraafschop Hessen torecht weer, dor keem de Landstreek fix unner ene Hand. Later höör dat denn to Hessen-Kassel to. Dor is denn ja an'n Anfang vun dat 19. Johrhunnert dat Kurförstendom Hessen vun maakt wurrn. 1866 hett Preußen düt Förstendom dalslaken un, tohopen mit dat Hartogdom Nassau un de Free Stadt Frankfort tosamenslaten to de Provinz Hessen-Nassau. Ut Kurhessen is nu de Regeernsbezirk Kassel wurrn. De weer denn ünnerdeelt in de Kreisen Kassel, Geismar un Wulfenhagen. An'n 1. August 1972 sünd düsse dree Kreisen denn wedder tosamenslaten wurrn to den neen Landkreis Kassel.

Spraak[ännern | Bornkood ännern]

Normalerwiese warrt allerwegens in den Landkreis de Hoochdüütsche Standardspraak snackt. Man in allerhand Öörd up'n Land gifft dat ok noch Lüde, de Plattdüütsch snacken doot. Dorüm gifft dat vun en ganze Reeg Dörper un Steder ok noch plattdüütsche Naams.

Städer un Gemeenden[ännern | Bornkood ännern]

(Inwahners an'n 30. Juni 2006)

Städer

  1. Korlshoawen (4.076)
  2. Baunatal [Sitt: Altenbauna] (27.901)
  3. Grebensteen (6.057)
  4. Geismar (16.340)
  5. Immenhusen (7.239)
  6. Lebenogge (3.528)
  7. Naumburg (5.494)
  8. Dringelborg (5.598)
  9. Vellmar [Sitz: Niedervellmar] (18.307)
  10. Wolfhagen (13.166)
  11. Zierenberg (6.752)

Gemeenden

  1. Ahnatal [Sitt: Weimar] (8.244)
  2. Bad Emstal [Sitt: Sand] (6.257)
  3. Brüne (3.812)
  4. Calden (7.694)
  5. Espenau [Sitt: Hohenkirchen] (4.894)
  6. Fuldabrück [Sitt: Dörnhagen] (8.905)
  7. Fuldatal [Sitt: Ihringshausen] (12.059)
  8. Habichtswald [Sitt: Dörnberg] (5.232)
  9. Helsa (5.801)
  10. Kaufungen [Sitt: Oberkaufungen] (12.800)
  11. Lohfelden [Sitt: Crumbach] (13.903)
  12. Nieste (1.781)
  13. Niestetal [Sitt: Sandershausen] (10.583)
  14. Oberweser [Sitt: Gieselwerder] (3.577)
  15. Reinhardshagen [Sitt: Veckerhagen] (5.073)
  16. Schauenburg [Sitt: Hoof] (10.339)
  17. Söhrewald [Sitt: Wellerode] (5.181)
  18. Wahlsburg [Sitt: Lippoldsberg] (2.390)

Gemeendefree Gemarken

  1. Gutsbezirk Reinhardswald