Lammbock

Vun Wikipedia
Filmdaten
Plattdüütsch Titel:
Originaltitel: Lammbock
Düütsch Titel: Lammbock
Produkschoonsland: Düütschland
Johr vun’t Rutkamen: 2001
Läng: 90 Minuten
Originalspraak: Düütsch
Öllersfreegaav in Düütschland: FSK 16
Filmkru
Speelbaas: Christian Zübert
Dreihbook: Christian Zübert
Produkschoon: Sönke Wortmann
Musik: Chris Jones
Kamera: Sonja Rom
Snitt: Andrea Mertens
Dorstellers

Lammbock (– Alles in Handarbeit; op platt so veel as: „Lammbock – allens vun Hand“) is en düütsche Filmkummedie ut dat Johr 2001. Dat Dreihbook hett Christian Zübert schreven, de ok Speelbaas weer.

Inholt[ännern | Bornkood ännern]

De beiden Frünnen Stefan un Kai bedrieft in Würzburg en Pizza-Service ünner den Naam Lammbock. Jemehr Spezialität is de Pizza Gourmet, bi de ünner de Salami-Schiev in de Mitt Cannibis ut eegen Anbo in Alufolie indreiht mitlevert warrt. Wiel Kai mit sik un sien Leven vullstännig tofreden is, kamt Stefan Twievel an sien Levensstil, tomol he de Söhn vun en Richter is un kort vör’t Enn vun Jurastudium steiht.

Se maakt goot Geld, bit Stefan un Kai opdeckt, dat jemehr Hanfplantaasch vun Blattlüüs befallen is. In en Fackgeschäft kriegt se Raat vun den Kiffer Achim. De is in Wohrheit aver en verdeckten Drogenfahnder vun de Polizei, de sik bi jem inslieken deit, üm jem hoochtonehmen. As se em na jemehr Plantaasch midden in’n Woold mitnehmen doot, kummt dat to en Katastrooph: Achim brickt tosamen, vun wegen dat he sammelte Poggenstöhl eten hett. Tosamen mit den Förster, de Stefan un Kai düchtig wat vertellen wull, warrt Achim in’n Kufferruum mit dat oornte Cannabis verstecken. Meist weern se noch in en Polizeikontroll rinkamen, künnt den aver den Förster loswarrn. Man denn kummt Achim wedder to sik un gifft jem to verstahn, dat he en Polizist is. Blots dör de Help vun Stefan sien Vadder, de Achim sien Utbiller goot kennt, kamt se ahn Straaf dorvun.

ör Kai geiht dat Leven wieter as das weer, man Stefan kunzentreert sik nu op sien Examen. As he aver in sien Prüfung sitt, ännert ok he sien Meenung un gifft de Examensarbeit af, vördem se fardig is. He will nu en Leven af vun de Konventschonen leven, wat he sik al lang dröömt harr – In een Szeen wiest sien Ex-Fründin dorop hen, dat he an sik mol en Strandbar op en Karibikeiland apenmaken wull, as se sik över sien Jurastudium wunnert. Vör de Uni töövt al Kai mit en Pizza Gourmet op em. Stefan seggt em, dat he sien oolt Leven afbreken un sien Droom vun de Strandbar in de Karibik ümsetten will. Kai bringt em na’n Flaaghaven, un op de Fohrt smöökt se jemehrn letzten gemeensomen Joint.

Utteken[ännern | Bornkood ännern]

De Film is för twee Filmpriesen vörslahn wesen. Uttekent weer he op dat Cinema Jove – Valencia International Film Festival mit den Sünnerpries.

Anners wat[ännern | Bornkood ännern]

  • Christian Zübert weer dull inspireert dör de Speelbasen Quentin Tarantino un Kevin Smith. De Figuren Frank un Schöngeist wiest to’n Bispeel grote Parallelen to de Figuren Jay un Silent Bob ut de Warken vun Kevin Smith.
  • De Pizzeria liggt in en Achterhoff op de Siegburger Straat in Köln-Poll.
  • De Naam „Lammbock“ schall na Christian Zübert anlehnt wesen an en Pizza-Express in Würzburg, de Lambo heet. En Fründ vun em künn den Naam nich mehr richtig utsnacken, wenn he in’n Cannabisruus weer. He seeg denn jümmer Lammbock[1]

Borns[ännern | Bornkood ännern]

  1. Die vermeintlich uncoolen Typen aus der Provinz afropen an’n 16. März 2010

Weblenken[ännern | Bornkood ännern]