Kromfohrländer

Vun Wikipedia
Kromfohrländer
FCI - Standard Nr. 192
Patronat Düütschland
Klassifikatschoon FCI
  • Gruppe 9
  • Sektion 10
Rassenaam na FCI

Kromfohrländer

Schufthööcht 38 – 46cm
Gewicht Rüde 12-16 kg, Teev 8-14 kg
Varietäten =
Ruuchhoor
Glatthoor
List vun de Hunnenrassen

De Kromfohrländer is en vun de FCI anerkannt Hunnenrass ut Düütschland ( FCI-Gruppe 9, Sektion 10, Standard Nr. 192).

Herkunft un Historie[ännern | Bornkood ännern]

De Kromfohrländer is en vun de jüngst düütsch Hunnenrassen. De Eersttüchterin, Ilse Schleifenbaum, wahn bi Siegen in’t süüdlich Noordrhien-Westfalen dicht bi de Gemarkung „Krom Fohr“, wat Segerlänner Dialekt is un up hoochdüütsch „krumme Furche“ heet. So keem dat to de Naam Kromfohrländer. De Idee entstunn etwa in dat Johr 1945, as Schleifenbaum en Griffon Vendéen Rüden upnommen hett, de GIs wegloopen weer, de dor dörtrocken sünd. Bi de Verpaarung mit en Foxterrierteev entstunn en düchtig homogener Worf, de dorto führen de, dat man noch mehr Verpaarungen dörföhrt hett. De Ergebnisse weern so tofreedenstellend, dat se de Grundstock för en nee Rass wurrn. De Rass wurr 1955 vun de Verband für das Deutsche Hundewesen un de Fédération Cynologique Internationale anerkannt.

Beschrievung[ännern | Bornkood ännern]

Dat gifft twee verscheeden Varietäten vun disse bit 46 cm grooten un bit 16 kg swooren Hund, de dör de Hooroort bestimmt wurrn: Ruuchhoor un Glatthoor

Ruuchhoor: Dicht, ruuch Textur, mit Bart, Ünnerwull kört un week. Hoorlängt an de Wedderrist un up de Rüügg nich länger as 7 cm. An de Sieden körter.
Glatthoor: Dicht, week Textur, ahn Bart. Hoor liggt good an’ Körper an, Ünnerwull kört un week.

De Farv is witt: hellbruun, rootbruun bit stark dunkelbruun Afteken in Form vun verscheeden groot Flecken oder as Sattel. De Ohren sünd sietlich hooch ansett, nich böverhalv vun dat Schädeldaak falt Kippohren; vun dreeeckig Form mit afrundt Spitzen.

Born un wiederföhrend Links[ännern | Bornkood ännern]

Literatur[ännern | Bornkood ännern]

  • Wanda Gräfin von Westarp, Inga M. Becker: Kromfohrländer – Praktische Ratschläge für Haltung, Pflege und Erziehung. Die Neue Brehm-Bücherei Bd. 633, Westarp Wissenschaften, Hohenwarsleben 2006, ISBN 3-89432-906-8

Weblenken[ännern | Bornkood ännern]

Kromfohrländer. Mehr Biller, Videos oder Audiodateien to’t Thema gifft dat bi Wikimedia Commons.

Vörlaag:FCI-Link