Fédération Cynologique Internationale

Vun Wikipedia

De Fédération Cynologique Internationale, kört FCI, is de gröttste kynologisch Daakverband. Hör Sitt is in Thuin (Belgien).[1]

Oorsprünglich wurr de Verband an‘ 22. Mai 1911 in Paris grünnd. Grünnensliddmaaten weer de Verbände ut Belgien, Düütschland, Frankriek, de Nedderlannen un Öösterriek. 1921 nah dat Enn‘ vun den Eersten Weltkrieges wurr der Verband weer wedderbeleevt. Per Juni 2010 hett de Verband nu 84 Liddmaats- un Partnerlänner[2].

De FCI deent gemäß hör Statuten den Zweck, de Tucht un Verwennen vun Rassehunnen as ok de Kynologie un dat Goodgahn vun Hunnen weltwiet to fördern. Ser gifft Rassebeschrievem in hör Arbeitsspraken Engelsch, Franzöösch, Düütsch un Spaansch rut. Hör Reglements seecht de gegensietig Anerkennung vun de Tuchtböker vun hör Liddmaats- un Partnerlänner vör.

De dree anner groot Daakverbände neben de FCI sünd de britisch Kennel Club (KC), de American Kennel Club (AKC) as ok de Canadian Kennel Club (CKC). Disse Verbände erkennen hör Registrierungen gegensietig an, sowiet de entsprekend Rassen anerkannt sünd un hebbt Kooperationsafkommen slooten.[3][4][5]

Överdragen vun Upgaven[ännern | Bornkood ännern]

Up natschoner Ebene delegeert de FCI de Upteken vun de Tuchtböker un de Erstellung vun de Tuchtrichlien an de anslooten Vereens. De Liddmaatslänner vun de FCI führen internatschonale Hunnenutstellungen un Arbeitsprüfungen dör billen Richter ut (Tuchtrichter un Leistungsrichter) un erstellt Ahnentafeln (Pedigrees). De FCI-Verbände erkennen de Ahnentafel un Richter gegensietig an.[6]

Aktivitäten der FCI[ännern | Bornkood ännern]

Upgaav vun de FCI is[2] ünner annern

  • dat datenbankmäßige Erfaaten vun de Ergebnisse vun internatschonalen Hunnenutstellungen, an de dat CACIB (Certificat d'Aptitude au Championnat International de Beauté) utschreven is
  • de Datenbankerfassung vun Ergebnissen vun verscheeden Arbeitsprüfungen
    • mit Vergaav vun dat CACIT, Certificat d'Aptitude au Championnat International de Travail
    • mit Vergaav vun dat CACIL, Certificat d'Aptitude au Championnat International des Courses de Lévriers
    • mit Vergaav vun dat CACIOB, Certificat d'Aptitude au Championnat International d'Obéissance
    • mit Vergaav vun dat CACIAG, Certificat d'Aptitude au Championnat International d'Agility
  • de internatschonale Tuchtnaamenschuul as ok
  • dat Vergeven vun de Titel:
    • Internatschonaler Schönheits-Champion,
    • Internatschonaler Arbeits-Champion,
    • Internatschonaler Renn-Champion,
    • Internatschonaler Obedience-Champion un
    • Internatschonaler Agility-Champion.

De internatschonalen Utstellungen as ok de internatschonal Prüfungen un Wettbewerbe för disse Titel finnen in de jeweiligen Liddmaatslänner deel. Dorbi sünd blots de vun de FCI anerkannt Rassen berechtigt deeltonehmen.

Rassestandards un Nomenklatur[ännern | Bornkood ännern]

De FCI betekent de kynologisch Idealbeschrieven vun en Rass as Rassestandard.[7] Se genehmigt internatschonale Rassestandards up de Basis vun den jeweiligen Rassestandard vun dat Oorsprungsland oder dat Patronatsland. In hör Statut hett de FCI fastleggt, dat dem Wohl vun den Hund böverste Priorität intorüümen is.[8] In hör Erklärung to de Werten vun de FCI to dat 100johrig Bestahn vun de FCI 2011 heet dat: „DIE FCI erachtet die Gesundheit, das Wesen und das Verhalten als wichtigste Merkmale für Hunde und für deren Rassestandards.“[9] De Anerkennung vun Rassestandards passeert in twee Etappen. Eerst nah en vorlööpig Anerkennung erfolgt de endgültige Anerkennung dör de Generalversammlung vun de FCI un de Verapenlichung vun den Standard. In‘ Rahmen vun dat Verfohren gifft dat ok Standards, de up en vörlööpig Anerkennung tööven.[10] De FCI nummereert de Rassestandards un gleedert de Rassen in Gruppen un Sektionen.

Hauptartikel: Hunnenrassen in de Systematik vun de FCI

Liddmaaten vun de FCI[ännern | Bornkood ännern]

De FCI nimmt blots en Liddmaatsverband pro Staat up. Disse moot all vun de FCI anerkannt Rassen vertreden.[11] En List vun all Liddmaaten wurr vun de FCI in hör Rundschrieven 59/2010 verapenlicht. Disse List enthollt sowohl de Vollliddmaaten un assozieerten Liddmaaten nah Artikel 5 vun de FCI-Statuts as ok de Vertragspartner nah Artikel 6 vun de FCI-Status.[12] Dornah ünnerdeelen sück de 84 FCI-Liddmaaten per 17. Juni 2010 as folgt:

Liddmaaten assozieerte Liddmaaten Verdragspartner
Europa 36 7 4
Lateinamerika/Karibik 18 1 1
Asien-Pazifik 6 7 2
Naher Osten 1
Afrika 1
Gesamt 61 16 7

De FCI-Liddmaaten in de düütschsprakig Ruum sünd:

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Statut der FCI, Art. 1
  2. a b Eegendorstellung vun de FCI
  3. Letter of Understanding between FCI and AKC vom 16. Juli 2008
  4. Letter of Understanding between Fédération Cynologique Internationale and the Kennel Club van’ 30. Mai 2009
  5. Memorandum of Understanding between FCI and CKC
  6. Sülvstdorstellung vun de FCI
  7. Statut vun de FCI, S. 1
  8. Statut der FCI, Art. 2 Abs. 3 g
  9. „WERTE“ DER FCI
  10. Geschäftsordnung vun de FCI, Art. 7
  11. Statut der FCI, Art. 7
  12. Rundschreiben 59/2010 der FCI: Mitglieder und Verdragspartner der FCI
  13. Lokalsektionen der SKG, Punkte "Balzers" und "Liechtenstein"