Foxterrier

Vun Wikipedia
Wesseln na: Navigatschoon, Söök
Fox-Terrier
Bad reputation czeczuga - jumper.JPG
Foksterier szorstkowlosy 754.jpg
FCI - Standard Nr. 12 (Glatthoor) un 169 (Ruuchhoor/Drahthoor)
Patronat Grootbritannien
Klassifikatschoon FCI
  • Gruppe 3
  • Sektion 1
Rassenaam na FCI

Foxterrier

Schufthööcht 38 cm, Teeven wat lüttger
Gewicht
  • Glatthoor:
Rüde ideal, 8,25 kg, Teeven wat weniger
  • Ruuchhoor:
Rüden 7,3–8,2 kg
Teeven 6,8–7,7 kg
Varietäten =
Ruuchhoor
Glatthoor
List vun de Hunnenrassen

Ünner Foxterrier führt de FCI twee anerkannt britsch Hunnenrassen ut Düütschland ( FCI-Gruppe 3 Sektion 1, Standard Nr. 12 un 169).

Herkunft un Historie[ännern | Bornkood ännern]

De Foxterrier is wohrschienlich in dat 19. Johrhunnert entstahn, de bedeeligt Utgangsrasse sünd in de Literatur umstreeden. De Kennel Club registreert den Fox Terrier (so de engelsch Beteknung) siet 1876. Hüüd ünnerscheed man bi de Kennel Club as ok bi de FCI de Foxterrier in twee Rassen: Glatthoor-Foxterrier un Drahthoor-Foxterrier[1].

Hunnen, de as Vörlöper vun de Rassen ansehn werd, keemen mit de Anfänge vun de Vossjagd in England up un wurrn as Loophund in de Meuten as ok för de Baujagd insett[2]. Se wurrn in dat 14. un 15. Johrhunnert up Jagdbiller dorstellt. De Foxterrier wurr eerstmals 1862 in Birmingham utstellt. Sien Tuchtstandard wurr 1876 fastsett. In de 1880er Johren vun dat 19. Johrhunnert wurr he in Düütschland inführt un vun de Prinz Albrecht zu Solms-Braunfels wieder tücht.

De Oosprung vun de Drahthoor-Foxterriers un vun de Glatthoor-Foxterriers is de glieke, aber de drahthoorig Rass is wohrschienlich ut en Krüüzung tüschen Glatthoorfox un den drahthoorigen engelschen Terrier torüchtoführen, de Glatthoorfox is also de öllere Rass. 1913 nah den Grünnen vun de Wire Fox Terrier Association un de Legaliseeren vun dat Trimmen keem dat to en starken Upschwung in de Tucht vun de Ruuchhoor-Foxterrier.[2]

Beschrievung[ännern | Bornkood ännern]

Beid Rassen ünnerscheeden sück blots en beten: Knakenbau, Hoor un Farven vun de Hunnen sünd gliek. De Foxterrier wurrd bit to 39 cm groot un ruch weg 8 kg swoor. Sien Fell is witt mit swaart oder swaart un lohfarven Afteken. De Ohren sünd lütt, V-förmig, afknickt, mit en ördentlich Falt nah vörn dicht an de Wangen fallend.

De Drahthaar-Foxterrier moot regelmatig trimmt (nich schoren) wurrn, wiel sonst dat dicht Ünnerfell dat Nahwassen vun dat Deckhoor verhinnert, wat to en Pigmentverlust bi dat Deckhoor führt. Dit is an de röötlich Färbung to erkennen.

Verwennen[ännern | Bornkood ännern]

Beid Rassen sünd besünners för de Jagd, un dor besünners up Voss- (engelsch fox) un Dachs-, bit henn to de Wildswienjagd to brueken. Dat sünd bannig good Begleithunnen, aber wegen hör Lebhaftigkeit un hör „eegen Kopp“ bruukt se en konsequent Erziehung un völ Bewegungsmögelkeit.

Tucht[ännern | Bornkood ännern]

Bi de Tucht vun de Foxterrier wird twee Rassen tücht, de Drahthoor (ok Ruuchhoor)- un Glatthoor-Foxterrier. In de USA werd beid Rassen ok as Toyrassen tücht, wat aber in Europa nich erwünscht is.

Besünner Krankheiten[ännern | Bornkood ännern]

Foxterrier hebbt en Prädisposition för de Ataxie un Myelopathie der Terrier.

Enkeld Nahwiesen[ännern | Bornkood ännern]

  1. http://www.foxterrier-verband.de/
  2. 2,0 2,1 Hans-Joachim Swarovsky, BI-Lexikon Hunderassen, VEB Bibliographisches Institut, Leipzig, 1985, 2. Uplaag, Siet 170

Weblenken[ännern | Bornkood ännern]

Commons-logo.svg Fox Terrier. Mehr Biller, Videos oder Audiodateien to’t Thema gifft dat bi Wikimedia Commons.