Schuft

Vun Wikipedia
Wesseln na: Navigatschoon, Söök

De Schuft (Mehrtall: Schuften), ok Hiele, is de Övergang vun'n Hals na'n Rügg bi veerbeente Deerter. Dor hannelt sik dat üm den Doorn vun'n eersten Bostwirbel bi. Dor sett ok dat Nackenband an. Bi verscheden Tieren sitt ünner un över dat Nackenband ok noch de Sliembüdels.

Schuft bi dat Peerd

Wenn een nu seggen will, wo groot en Deert (Peerd, Schaap, man ok Hund) is, denn warrt de Hööcht vun den Schuft meten. De Schuft is de hööchste faste Punkt vun dat Lief, weil de Kopp ja ok dalböögt weern kann un sien Hööcht bloß swaar angeven weern kann. Normolerwies warrt de Schuft mit en Bandmaat oder mit en Stockmaat meten. Bi Rindveeh warrt de Grött nich mit den Schufthööcht bestimmt, man mit de Hööcht vun dat Krüüzbeen. Bi verscheden Rassen vun Peer, as bi dat Vullbloot gifft dat an'n Övergang vun'n Hals to'n Schuft en Karv, de düütlich to sehn is. Dor warrt denn Exslag to seggt.

Wie groot en Tier is, is wichtig bi de Tucht vun Rassen. Dor dröövt bloß Deerter för nahmen weern, de köört wurrn sünd. Düsse köörten Deerter mütt sik an en Schufthööcht holen, de fastleggt is vun den Raasverband. Dor dröövt se bloß so un so veel Prozent ünner- oder över liggen. Wo hooch de Schuft vun jedet Tuchtdeert is, warrt in Tuchtböker un in Tuchtpapieren vun den Raassverband upschreven un fastholen.

Raasstucht[ännern | Bornkood ännern]

Heken un Seken vun Deerter, de för de Tucht bruukt weern schöllt, weert bi en Körung vörstellt. Dor kickt sik en Jury an, ob de Tieren mit den Tuchtstandard för de dore Raass övereenstimmt, so as de vun'n Verband vörschreven is. Wenn allens so is, as dat ween schall, denn weert de Tieren anköört. Wenn dat nich so is, denn so weert se afköört.