John Russell Hind

Vun Wikipedia
John Russell Hind

John Russell Hind (in de Literatur wurrd ok John R. Hind angeven; * 12. Mai 1823 in Nottingham; † 23. Dezember 1895 in Twickenham) weer en brietsch Astronom.

Leven un Wirken[ännern | Bornkood ännern]

Hind wurr 1840 an de Steernwacht vun Greenwich as Assistent in de magnetisch Afdelen instellt. Sien Baas weer dor George Biddell Airy.

1844 hett he sück an de Expeditschon to de Bestimmung vun de geographisch Längt vun Valencia in Venezuela bedeeligt.

In de Folgetiet arbeid he as Beobachter an de Privatsteernwacht vun George Bishop in’ Regents Park. Hier hett he tüschen 1847 un 1854 all tosommen tein Asteroiden as ok mehrere Kometen opdeckt. De Naamensgevung vun sien dart Asteroiden (Victoria) wurr kontrovers diskuteert – bit dorhen weer dat unüblich, Asteroiden nah noch levend Personen to nömm. Hind hett aber dorup henwiest, dat he de Asteroid nich nah de damalig engelsch Königin Victoria, sonnern nah de röömsch Siegesgöddin nömmt harr.

Hind hett de Bahnen vun 70 Himmelskörpern (Planeten, Asteroiden un Kometen) berekend. Dorneben hett he sück ok mit de Beobachtung vun veränderlichen Himmelskörpern beschäftigt, wobi het den deeproden, variablen Steern R Leporis in’t Steernbild Haas (Lepus) as ok de Veränderlichkeit vun de Steern μ Cephei in’t Steernbild Kepheus opdeckt hett. He hett ok bi de Steern T Tauri in’t Steernbild Bull (Taurus) en Gasnevel opdeckt, de sien Helligkeit veränderlich is (Hinds veränderlicher Nebel - de Nebel reflekteert dat Lucht vun en veränderlichen Steern). De vun hüm opdeckt Nova Ophiuchi 1848 (V841 Ophiuchi) in’t Sternbild Slangdräger (Ophiuchus) weer de eerste Nova ut de Neetiet (siet de Supernova van 1604).

An’ bekanntesten wurr Hind allerdings as Herutgever vun de för de damalig Schippfohrt wichtig Nautical Almanac, dessen „Superintendent“ he tüschen 1853 un 1891 weer.

Hind weer siet 1846 verheiraadt. He un sien Fru harrn söss Kinner.

Ehrungen[ännern | Bornkood ännern]

För sien Leistungen kreeg Hind 1853 de Goldmedaille der Royal Astronomical Society. 1855 wurr hüm vun de Royal Society de Royal Medal verlehnt. Up de Pariser Gedenkmünt vun dat Johr 1868, de to de hunnerste Asteroidenopdeckung präägt wurr, is Hind neben dree latere Mehrfakopdecker afbildt: Hermann Goldschmidt, Karl Theodor Robert Luther un J. C. Watson.

To sien Ehren wurr en Maandkrater as ok de Asteroid (1897) Hind nah hüm nömmt.


Opdeckt Asteroiden
(7) Iris 13. August 1847
(8) Flora 18. Oktober 1847
(12) Victoria 13. September 1850
(14) Irene 19. Mai 1851
(18) Melpomene 24. Juni 1852
(19) Fortuna 22. August 1852
(22) Kalliope 16. November 1852
(23) Thalia 15. Dezember 1852
(27) Euterpe 8. November 1853
(30) Urania 22. Juli 1854

Warken[ännern | Bornkood ännern]

  • Astronomical vocabulary. London 1852
  • Introduction to astronomy. London 1863
  • On the expected return of the great comet of 1264 and 1556. London 1848
  • The solar system. London 1846
  • Descriptive treatise of comets. London 1859

Weblenken[ännern | Bornkood ännern]

John Russell Hind. Mehr Biller, Videos oder Audiodateien to’t Thema gifft dat bi Wikimedia Commons.