Karl Theodor Robert Luther

Vun Wikipedia
Wesseln na: Navigatschoon, Söök
Opdeckt Asteroiden: 24
Thetis 17. April 1852
Proserpina 5. Mai 1853
Bellona 1. März 1854
Leukothea 19. April 1855
Fides 5. Oktober 1855
Aglaja 15. September 1857
Kalypso 4. April 1858
Mnemosyne 22. September 1859
Concordia 24. März 1860
Leto 29. April 1861
Niobe 13. August 1861
Diana 15. März 1863
Alkmene 27. November 1864
Klio 25. August 1865
Antiope 1. Oktober 1866
Arethusa 23. November 1867
Hecuba 2. April 1869
Amalthea 12. März 1871
Peitho 15. März 1872
Sophrosyne 27. September 1873
Germania 12. September 1884
Eukrate 14. März 1885
Tyche 4. Mai 1886
Glauke 20. Februar 1890

Karl Theodor Robert Luther (* 16. April 1822 in Schweidnitz/ Schlesien; † 15. Februar 1900 in Düsseldörp) weer en düütsch Astronom, de vör allen dör sien Opdecken vun 24 Asteroiden bekannt wurr.

Leven[ännern | Bornkood ännern]

He studeer siet 1841 in Breslau un Berlin Philosophie, Mathematik un Astronomie. To glieker Tiet arbeit he an de Berliner Steernwacht un kreeg dor 1848 en Anstellung. 1851 wessel he as Direkter an de Steernwacht in Düsseldörp.

Tüschen 1852 un 1873 gelung hüm dor dat Opdecken vun 24 Asteroiden. Dormit "överhaal" he den düütsch-franzöössch Astronom Hermann Goldschmidt, de 1852-1861 14 Asteroiden funnen harr. Nah Luther broch dat de US-Amerikaner C.H.F. Peters up 48 (1861-1889) und de Öösterrrieker Johann Palisa up 123 Asteroiden (1874-1923).

Bi dat Teken vun de akademisch Steernkoort hora O hett Luther de veränderlich Steern T Piscium in dat Steernbild Fische opdeckt.

An de Universität Bonn wurr he 1855 to’n Dr. phil. honoris causa ernannt un kreeg vun de Pariser Académie des sciences söbenmol den Lalandeschen Pries för Astronomie. Sien Stadt Düsseldörp hett hüm ok noch wat Geld toschaaten, wiel dör sien Opdeckungen ok dat Prestige för de Stadt verbetert harr.

Up de Pariser Gedenkmedaille vun dat Johr 1868, de to de hundertste opdeckt Asteroiden prägt wurr, is he neben Hermann Goldschmidt un John Russell Hind, twee annner Mehrfakopdeckers, afbildt. De Medaille wurr 1869 in de Pariser Münt in’n Updrag vun Napoleon III. utprägt (Literatur: Joseph & Fellner Nr. 1354, Afbildung Tafel 57). Nah hüm wurr ok de (1303) Luthera nömmt.

Literatur[ännern | Bornkood ännern]

P. Neugebauer: Über Robert Luther und die Erforschung der kleinen Planeten. 1901 In: Beitrage zur kenntnis der verbreitung der gefässpflanzen in Schlesien

Weblenken[ännern | Bornkood ännern]