Johannes (Apostel)

Vun Wikipedia
Wesseln na: Navigatschoon, Söök
Johannes, na en Bild vun Hans Memling

Johannes (Ooldgreeksch: Ἰωάννης) is een Jesus vun Nazareth siene Apostels ween. Dor steiht in dat Nee Testament wat over schreven. Na de Bibel weer he de Söhn vun en Fischer mit Naam Zebedäus un de Broer vun Jakobus, de ok Apostel wurrn is.

De Bröer weert beropen[ännern | Bornkood ännern]

As Johannes un sien Broer bi weern, de Fischernetten ut to spölen, hett Jesus jem ropen. Se schollen siene Jüngers weern (Markus 1, 19f). Se hefft em höört un sünd glieks mit em mitgahn.

Rull[ännern | Bornkood ännern]

Tohopen mit Simon Petrus sünd Johannes un Jakobus de Jüngers ween, up de sik Jesus an’n meisten verlaten hett. Se hefft den Binaam “Dunnersöhns” kregen. Se sünd dor mit bi ween, as Jesus up den Barg Tabor verherrlicht wurrn is (Markus 9,2-13). Dor weer Jesus siene Kledaasch so witt, as Snee un he snack mit de Propheten Elia un Moses. Na Eusebius vun Caesarea hett sik de ganze Saak up den Barg Hermon afspeelt, wat ok wohrschienlich is. Ok is Johannes as eenzigsten Jünger uner dat Krüüz nich weglopen, man hett Jesus siene Mudder Maria to Sieten stahn. Allgemeen warrt annahmen, he weer ok meent mit den „Jünger , den Jesus leev harrt hett“ ut dat Johannesevangelium (Joh. 20,2).

Johannes sien Evangelium un annere Bibelböker[ännern | Bornkood ännern]

Johannes warrt vun de Traditschoon ankeken as de Schriever vun fiev Böker ut dat Nee Testament. Dor sünd een Evangelium, dree Breeve un een Apokalypse (Johannes siene Apenbarung) mank. De meisten Theologen meent hüüttodaags avers, düsse Schriften weern nich vun den Apostel Johannes, man se stammen eerst vun dat Enn vun dat 1. Johrhunnert. Se seht de Saak ok so, dat sien Evangelium nich vun Johannes is, man tohopenschostert vun verscheden Schrievers (Kiek bi Johannes (Evangelist)).


Kathoolsche Traditschoon[ännern | Bornkood ännern]

Graff vun Johannes in Ephesus, Törkei.


Na de kathoolsche Traditschoon sünd Johannes un Maria umtagen na Ephesus. Dor weern se denn ok sturven. Man Historikers betwiefelt dat vunwegen dat hoge Oller vun Maria. Man liekers steiht dat Johannesevangelium düütlich unner Indruck vund en Hellenismus un vundeswegen kann dat nich ganz utslaten weern, dat Johannes in Ephesus wohnt un ok schreven hett. De Legenn vertellt, he weer as en Merteler in en Ballje mit heet Ööl smeten wurrn. Vundeswegen warrt he ok „Sankt Jan in dat Ööl“ nömmt. Man he gung dor nich vun doot. Denn hefft em de Römers na dat Eiland Patmos verbannt. Dor schall he denn dat Book vun siene Apenbarung schreven hebben. Na de Legenn is he in hogen Oller as Lesten vun de Apostels doot bleven. He weer ok de eenzigste Apostel ween, de en natüürlichen Dood sturven is.

Festdage un Schutzhilligen[ännern | Bornkood ännern]

Sien Festdag is in de Kathoolsche Karken de 27. Dezember. In de Orthodoxe Karken warrt he an’n 26. September un an’´n 8. Mai fiert. He is de Schutzhilligen vun Lüttasien, Sundern, Umbrien, de Bisdömer bisdommen Milwaukee un Cleveland, dorto ok vun de Kunsthökers, de Schrievers, de Bookbinners, de Komponisten, de Rutgevers, de Bookhökers, de Lithographen, de Malers, de Bildhauers, de Papeermakers, de Druckers, de Druck-Setters, de Theologen, de Glasmakers, de Spegelmakers, de Graveure, de Kerssentreckers u n Korfmakers un vun de Frundschop. He warrt anropen bi Brandwunnen, gegen Hagel, Vergiften, Footwunnen un Epilepsie.

En bekannten Schöler vun Johannes weer Polykarp vun Smyrna.