Jennifer Jason Leigh
Vun Wikipedia
Jennifer Jason Leigh (* 5. Februar 1962 in Hollywood, USA) is en US-amerikaansch Schauspelerin. Leigh hett in al in düchtig veel Filmen mitspeelt un kreeg dorför jümmer wedder bannig gode Kritik. Veele beropen Kritiker un Filmmagazinen snackt vun ehr as een vun de besten amerikaanschen Schauspelerinnen to Tiet. Se sülvst socht sik gern eernste Rullen, mit de se sik denn lang utenennsett, üm sik dorop vörtobereeden.
Inholtsverteken |
[ännern] Biografie
Boren weer se ünner den Naam Jennifer Lee Morrow in Hollywood, Kalifornien, as Dochter vun den Schauspeler Vic Morrow (Blackboard Jungle) un de Dreihbookschriverin Barbara Turner (Pollock). Se hett en Dag ehrn Naam ännert, wobi se den Naam „Jason“ to Ehren vun en Fründ vun de Familie Jason Robards, Jr. annahmen harr, de dood bleven weer.
Mit veerteihn Johren hett se an Schauspeel-Workshops vun Lee Strasberg deelnahmen un is mit sössteihn Liddmaat bi de Screen Actors Guild worrn in en Folg vun de Fernsehshow Baretta. Dorna keem en Folg bi de Waltons un veele wietere Fernsehfilmen un -folgen, dorünner en utermaten starke Dorstellen as en anorex’sch Deern in The Best Little Girl in the World. För de Rull harr se sik ünner medizinsch Opsicht op ganze 86 Pund rünnerhungert.
Ehr Lienwand-Debut harr Leigh 1980 mit Eyes of a Stranger, un speel darno faken in Filmen. As se öller worrn is, hett se sik op Rullen vun breeklich, angrepen oder nervlich swache Lüüd konzentreert, wat se dör en rünnerkamen, poppenhaftig Utsehn schapen de. So speel se en anfaat Deern, en unschullig Kellnerin, de op de scheefe Bahn kummt, oder en junge Fro, de ünner Dwang in en Nachtclub arbeiten mutt un psychisch tohopenbrikt.
Ehr Dörbrook in de Loopbahn keem 1990, as se mit en Pries as best Nevendorstellerin uttekend woorn is för ehr Rullen as twee vullkamen ünnerscheedlich Horen in Last Exit to Brooklyn un Miami Blues. Dorna harr Leigh keen Problemen mehr, Rullenanbotten to kriegen. Man ok an’t Thater hett Jennifer Jason Leigh al arbeidt. Ünner anner’n harr se en Hööftrull in an’n Broadway in dat beropen Musical Cabaret.
[ännern] Trivia
- De Rull, de Leigh an’n wenigsten gefallen hett, weer as en gewöhnlich Leefste in den Film Backdraft. To den Speelbaas Ron Howard schall se seggt hebben, de eenzig Rull, de se in den Film spelen wull, weer dat Füer.
- Se harr ok en Rull in den Stanley Kubrick Film Eyes wide shut deriht, man as Kubrick en poor Szenen nochmol nadreihen wull, harr Leigh keen Tiet un de ganze Rull is streken worrn.
- Jennifer Jason Leigh hett aflehnt in eenige Filmen mittospelen, as in Sex, Lies, and Videotape, Pretty Woman oder A League of Their Own. Un ok de Rull as Sarah Conner in The Terminator harr se sik verknepen.
- Leigh is bekannt dorvör, veel Rullenarbeit to maken, bevör se en Rull speelt, t. B. ok Daagböker as de Lüüd to schrieven, de se speken will. Se hett ok faken mit Psychiaters un Patienten, mit Horen oder Telefonsex-Arbeiters snackt, üm sik in Rullen intoarbeiten.
[ännern] Privatleven
Leigh hett an’n 3. September 2005 ehrn Fründ, den Dreihbookschriever un Speelbaas Noah Baumbach heiraadt, mit den se al veer Johren tohopen weer. Se is siet 25 Johren goot befrünnt mit Phoebe Cates. Wietere Frünnen sünd ü.a. Jennifer Beals, Alan Cumming un John C. Reilly
[ännern] Filmrullen (Utwahl)
| Johr | Titel | Synchroonsnacker |
|---|---|---|
| 2008 | Synecdoche, New York | |
| 2007 | Margot at the Wedding dt.:Margot und die Hochzeit |
|
| 2005 | The Jacket | Alexandra Ludwig |
| 2004 | Palindromes dt.: Palindrom |
|
| 2004 | Childstar | |
| 2003 | In the Cut | Alexandra Ludwig |
| 2002 | Road to Perdition | Alexandra Ludwig |
| 2001 | The Anniversary Party dt.: Beziehungen und andere Katastrophen |
Alexandra Ludwig |
| 2000 | The King Is Alive | |
| 2000 | Skipped Parts dt.: Mittendrin und voll dabei |
|
| 1999 | eXistenZ | Alexandra Ludwig |
| 1997 | A Thousand Acres dt.: Tausend Morgen |
Maud Ackermann |
| 1997 | Washington Square dt.: Die Erbin vom Washington Square |
|
| 1996 | Kansas City | Gundula Liebisch |
| 1995 | Dolores Claiborne dt.: Dolores |
Alexandra Ludwig |
| 1995 | Georgia | Alexandra Ludwig |
| 1994 | Mrs. Parker and the Vicious Circle dt.: Mrs. Parker und ihr lasterhafter Kreis |
Alexandra Ludwig |
| 1994 | The Hudsucker Proxy dt.: Hudsucker – Der große Sprung |
Alexandra Ludwig |
| 1993 | Short Cuts | Alexandra Ludwig |
| 1992 | Single White Female dt.: Weiblich, ledig, jung sucht... |
Alexandra Ludwig |
| 1991 | Rush dt.: Fieberhaft – Undercover in der Drogenhölle |
Katrin Fröhlich |
| 1991 | Backdraft dt.: Backdraft – Männer, die durchs Feuer gehen |
Maud Ackermann |
| 1990 | Miami Blues | |
| 1990 | Last Exit to Brooklyn dt.: Letzte Ausfahrt Brooklyn |
Katrin Fröhlich |
| 1988 | Heart of Midnight dt.: Heart of Midnight – Im Herzen der Nacht |
Simone Brahmann |
| 1987 | Sister, Sister dt.: Das Hotel im Todesmoor |
|
| 1986 | The Hitcher dt.: Hitcher, der Highway Killer |
Madeleine Stolze |
| 1985 | Flesh & Blood dt: Fleisch & Blut |
|
| 1984 | Grandview, U.S.A. | |
| 1983 | Easy Money dt.: Monty, der Millionenerbe |
|
| 1983 | Death Ride To Osaka, Feernsehfilm dt.: Operation Osaka |
|
| 1982 | Fast Times at Ridgemont High dt.: Ich glaub' ich steh' im Wald |
Maud Ackermann |
| 1980 | Eyes of a Stranger dt.: Die Augen eines Fremden |
[ännern] Utteken
Jennifer Jason Leigh is bannig faken för Filmpriesen nomineert wesen un hett ok dörteihn dorvun wunnen. Een Utwahl dorvun:
- 1991: den BSFC Award as Best Nevendorstellerni in Miami Blues (un ok för Last Exit to Brooklyn)
- 1993: den MTV Movie Award as Best Bööswicht in Single White Female
- 1994: en Special Award vun bi de Golden Globe-Verlehen för dat Ensemble vun Short Cuts.
- 1995: den NYFCC Award as Beste Schauspelerin för Georgia
- 1995: den NSFC Award as Beste Schauspelerin för Mrs. Parker and the Vicious Circle
- 2000: den Best Actress Award vun’t Tokyo International Film Festival för The King Is Alive
- 2005: den Genie Award as Best Nevendorstellerin in Childstar
