Innocence of Muslims

Vun Wikipedia
Wesseln na: Navigatschoon, Söök

Innocence of Muslims (eng. for „De Muslime ehre Unschuld“) is de Titel vun en Low-Budget-Film ut dat Johr 2012 in Engelsche Spraak. He weer de Grund for Demonstranten in allerhand araabsche Länner, Ambassaden un Konsulate vun de USA an to griepen. Unner Umstänn harrn se dat al vordem plaant un nu weer blot en Grund funnen.[1]

De Utsnitte vun den Film, de bitherto bekannt wurrn sünd in allerhand Spraakverschonen up dat Videoportal YouTube[2]rutrocht wurrn. De Film warrt vun tahlrieke Medien as en Film gegen den Islam[3][4]ankeken un as en Film, de in siene ganze Oort vun Amateure maakt wurrn is. [5]Achter düssen Film schall de koptische Christ Sam Bacile steken, de in de USA al allerhand utfreten hett un vundeswegen ok al vörbestraaft is.

Wat passert in den Film[ännern | Bornkood ännern]

Wat overhoop in den Film passert, kann nich akraat seggt weern, vunwegen dat bitherto blot man Utsnitte vun en Längde vun man blot 14 Minuten alltohopen apentlich to sehn sünd. Bi de Postproduktschoon is an den Film, so as dat utsütt, bannig rumfummelt wurrn. De meisten Utsnitte schöllt dat Leven un dat Wark vun Mohammed dorstellen. Tomeist warrt dat in en lachaftige Aart maakt. De Stifter vun den Islam warrt dor as en slechten Minschen bi henstellt. In en Szeen warrt Mohammed, de as en Slaven dorstellt is, vun en Stratenjung, de sik mit em in’e Plunnen hett vunwegen en afgnaagten Knaken, as en Bastard utschullen. In en annere Szeen unnerhollt he sik mit en Esel over Froenslüde un seggt, he weer dat „eerste musliemsche Deert“. In annere Szenen warrt Mohammed henstellt as en Mann, de achter jeden Rock ran is, un ok as „Kinnerschänner, Feldherr, de unbannig Bloot vergeten deit, as Homosexuellen un as Bangebüx.“[6] He stellt sik siene Anhängers vör as Gott sien Prophet un as Stifter vun en nee Religion.

Weblenken[ännern | Bornkood ännern]

Belege[ännern | Bornkood ännern]

  1. Bi de ganze Lawei sünd bitherto tominnst 8 Lüde an’e Siet maakt wurrn, dormank de US-Ambassadeur in Libyen, J. Christopher Stevens.
  2. [http://www.youtube.com/watch?v=mjoa3QazVy8&feature=related Innocence of Muslims movie trailer, rutgeven vun YouTube an’n 2012-09-12, togrepen an’n 2012-09-16
  3. [http://uk.news.yahoo.com/us-anti-muslim-film-designed-enrage-112301683.html US Anti-Muslim Film 'Designed To Enrage', rutgeven vun Sky News an’n 2012-09-12, togrepen an’n 2012-09-13
  4. [http://www.washingtontimes.com/news/2012/sep/12/obama-condemns-outrageous-attack-libya-killed-us-a/ Obama says ‘absolutely no justification’ for killing U.S. ambassador in Libya , rutbrocht vun The Washington Times an’n 2012-09-12, togrepen an’n 2012-09-13
  5. [http://www.spiegel.de/politik/ausland/anschlag-in-libyen-wer-ist-urheber-des-umstrittenen-mohammed-films-a-855544.html Wer steckt hinter dem Mohammed-Film?, rutgeven vun Spiegel Online | an’n 2012-09-13, togrepen an’n 2012-09-13
  6. http://www.spiegel.de/politik/ausland/die-traurige-biographie-des-mohammed-regisseurs-nakoula-a-856011.html