Hal Kemp

Vun Wikipedia

Hal Kemp (* 27. März 1904 in Marion in Alabama; † 21. Dezember 1940 in Madera, Kalifornien) weer en US-amerikaansch Jazz-Saxophonist (Alt), Klarinettist, Arrangeur, Komponist un Bandleader.

Kemp, de all up de High School en Band (The Merrymakers) harr, hett sien Jazzband „Carolina Club Orchestra“ as Student an de University of North Carolina (ab 1922) grünnd, mit de he ok för Okeh upnommen hett un in’ Sömmer dör Europa tourt is. 1927 hett he de Leitung vun de Band sien Kommilitionen Kay Kyser (de bannig populär ok in Filmen wurr) överlaaten. He hett stattdessen in New York City en professionelle Band mit John Scott Trotter (sien Arrangeur), Saxie Dowell un de Singer un Slagtüüchspeler Skinnay Ennis, mit de all an de Universität en Septett harr, as ok tietwies de Trompeters Bunny Berigan un Jack Purvis; Trotter hett för de arrangeert. De Impresario Fred Waring hett hör nah New York in’t Strand Roof halt. Ehren Dörbröök harrn se aber eerst 1932 mit hör Engagement in dat Chicagoer Blackhawk Cafe, de landswiet vun de WGN överdragen wurr. Hör „Sweet Sound“ mit dämpt Trompeten un Megaphon-verstärkt Klarinetten hebbt de Band in de 1930er Johren bannig populär makt; hör Themensong weer „How I'll Miss You When Summer Is Gone“. Se sünd in de Loop vun de 30er u. a. in dat New Yorker Waldorf-Astoria un in dat Palmer House in Chicago uptreden.

Se harrn woll kien herutragend Musiker (blots Kemp un Trotter kunnen Noten lesen), wat aber dör de geschickt Arrangements vun Trotter utgleken wurr (wegen de vun hüm inführt Stakkatos för de Trompeter, de blots slecht Tööne hollen kunnen, hett Johnny Mercer ut Jux seggt, dat se as Schrievmaschinen klingen würrn). Se hebbt faken in Europa tourt, wo de Prince of Wales to hör Fans tellen dee. As Trotter (1936) un anner ander markant Musiker as Ennis de Band verlaaten hebbt, verlor de Band den besünnern Sound un dormit ok en Deel vun hör Poularität.

Nah en Gastspeel in’ Mark Hopkins Hotel in San Francisco wurr Kemp in’ San Joaquin Valley in’ Mörgennebel vun en tomööt kommend Auto frontal rammt. An de Folgen vun dissen Autounfall (de Lung wurr dorbi verletzt un he kreeg en Lungenentzündung) is Kemp denn storven. Anfangs hett Bob Allen de Band wieder leit, 1941 wurr se vun Art Jarrett övernommen.

Kemp kun neben sien Hööftinstrumente ok Trompete un Klaveer spelen.

Born[ännern | Bornkood ännern]

  • Leo Walker: The Big Band Almanac. Ward Ritchie Press, Pasadena. 1978

Weblenken[ännern | Bornkood ännern]