Skinnay Ennis

Vun Wikipedia
Wesseln na: Navigatschoon, Söök

Robert „Skinnay“ Ennis, ok Skinny Ennis (* 13. August 1909[1] in Salisbury, North Carolina; † 3. Juni 1963 in Beverly Hills) weer en US-amerikaansch Jazz- un Pop-Bandleader, Singer und Slagtüüchspeler.

Ennis hett während sien Studium an de University of North Carolina (Chapel Hill) den Jazzmusiker Hal Kemp kennenlehrt un speel Enn’ vun de 1920er Johren in Kemps Orchester Slagtüüch. He bleev bit 1938 in Kemps Band un hett ok an de sien Tourneen nah Europa mitwarkt. De Trompeters Bunny Berigan un Jack Purvis hebbt tietwies ok in disse Band speelt.

Denn hett sück Ennis as Singer sülvstännig makt, he övernehm dat Orchester vun Gil Evans, mit dat he spoodriek in Hollywood-Filmproduktschonen mitwarken dee. Evans bleev bit 1941 Arrangeur un musikaalsch Leiter vun dat Orchester; dorneben hett aber ok Claude Thornhill as Arrangeur för de Band arbeit.[2] Ennis hett ok för Comedy-Produktschonen arbeit un harr in de 1940er Johren en Anstellung in Bob Hopes Radioprogramm. Während de Tweet Weltkrieg speel he in verscheeden Bands un gung nah Kriegsenn’ nah Hollywood torüch, um wieder as Bandleader to arbeiten. Enn’ vun de 1950er Johren weer de Verloop vun sien Karriere weniger spoodriek. He fung denn an in Hotels in de Gegend um Los Angeles to spelen.

Oorsaak vun sien Dood 1963 weer en Erstickungsanfall bi en Eeten in en Restaurant in Beverly Hills.

Literatur[ännern | Bornkood ännern]

Weblenken[ännern | Bornkood ännern]

Enkeld Nahwiesen un Anmarken[ännern | Bornkood ännern]

  1. In en Deel vun de Literatur wurrd as Geburtsjohr 1906 angeven.
  2. Vgl. The Great Big Band Arrangers