Art Jarrett

Vun Wikipedia
Wesseln na: Navigatschoon, Söök
78er vun Art Jarrett & His Orchestra:
„Everythings's Been Done Before“

Art Jarrett (* 20. Juli 1907 in Brooklyn als Arthur L. Jarrett, Jr.; † 23. Juli 1987 in Los Angeles) weer en US-amerikaansch Singer, Schauspeler un Big Band-Leader vun den Swing un de Populäre Musik.

Art Jarrett weer de Söhn vun den Schauspeler un Dramatiker Arthur L. Jarrett, Sr.. De Junior speel ok Gitarr, Banjo un Basuun. Enn’ vun de 1920er Johren nehm he för Brunswick un Victor Records Schallplatten mit de Jazz- un Danzorchesters vun Earl Burtnett, Ted Weems, Jimmie Noone un Red Nichols up. 1931 harr he en Hiterfolg mit „Georgia on My Mind“, mit Frank Trumbauer un sien Orchester, de sien Upnahm bit up Platz 10 in de Charts keem. Populär weer sien hooch Tenorstimm ok in Musikfilmen, as 1933, as he den Song Everything I Have is Yours in Dancing Lady, Did You Ever See a Dream Walking ut den Film Sitting Pretty un Let's Fall in Love vun den glieknamigen Film sung. 1935 hett he sien eegen Orchester grünnd, dat in dat Blackhawk Restaurant in Chicago uptreden dee; to sien Musikers hörr u.a. Randy Brooks. In disse Tiet weer he mit de Swemmerin un Singerin Eleanor Holm verheiraadt, de ut de Band utsteeg, as se sück up de Olympisch Sömmerspelen 1936 vörbereiten de. 1941 övernehm Jarrett de Leitung vun Hal Kemp sien Orchester nah de sien Dood nah en Autounfall. As Schauspeler warkt he an de Western Trigger Pals mit; up den Broadway gasteer he in de Show Three After Three. In de 1950er Johren is Art Jarrett faken in Feernsehshows as Rhythm Rodeo uptreden. Later henn weer he Discjockey un Geschäftsmann in’ Orangensaft-Hannel in Yonkers (New York).

Literatur[ännern | Bornkood ännern]

  • Leo Walker: The Big Band Almanac. Ward Ritchie Press, Pasadena 1978

Weblinks[ännern | Bornkood ännern]