Drostendamm
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27612 | |
| Vörwahl: | 04744 | |
| Geograafsche Laag: | Koordinaten:53° 25′ N, 8° 39′ O53° 25′ N, 8° 39′ O | |
|
| ||
Drostendamm (hoochdüütsch Drostendamm) is en Oort in de Gemeen Lox in’n Landkreis Cuxhoben, Neddersassen. Binnen de Gemeen höört de Oort to de polietsche Oortschop Hahnenknoop.
Geografie[ännern | Bornkood ännern]
De Oort liggt in’t Moor. Dat Water ut dat Rebeed flütt över Gravens na de Gackau un den Hahnenknoop-Hetthorner Moorkanaal hen af.
De Naveröörd sünd Düring un Freeschluunbarg in’n Noordoosten, Sühn, Hollen un Heis in’n Oosten, Wittst in’n Süüdoosten, Hagen un Kassbrook in’n Süden, Braamstermoor, Krehlen un Langendammsmoor in’n Süüdwesten, Hahnenknoop un Hahnenknopermoor in’n Westen un Hetthorn in’n Noordwesten.
Historie[ännern | Bornkood ännern]
Drostendamm is in de Midd von dat 19. Johrhunnert as Moorkolonie un Stratendörp grünnt worrn.
Verwaltungsgeschicht[ännern | Bornkood ännern]
De Oort hett vör 1885 to de Böörd Braamst in dat Amt Hagen tohöört. Na 1885 weer dat in’n Kreis Geestmünn. 1932 is dat Deel von’n Landkreis Wersermünn worrn un 1977 von’n Landkreis Cuxhoben.
De Oort hett von öllers bi de Gemeen Hahnenknoop mit bihöört, de 1968 Deel von de Gemeen Stotel worrn is. De Gemeen Stotel wedder is an’n 1. März 1974 mit de Gemeenreform in Neddersassen Deel von de Gemeen Lox worrn. Sietdem höört Drostendamm binnen de Gemeen Lox to de Oortschop Hahnenknoop, de en egen Oortsvörsteiher hett.
Inwahnertall[ännern | Bornkood ännern]
| Johr | Inwahners |
|---|---|
| 1. Dezember 1871[1] | 67 Lüüd, 11 Hüüs |
| 1. Dezember 1885[2] | 72 Lüüd, 11 Hüüs |
| 1. Dezember 1905[3] | 81 Lüüd, 11 Hüüs |
Religion[ännern | Bornkood ännern]
Drostendamm is evangeelsch-luthersch präägt un höört to dat Kaspel von de Margarethen-Kark in Stotel.
För de Kathoolschen is de Johannes-de-Döper-Kark in Lox tostännig, de 1965 grünnt worrn is. Vör 1965 weer de Nikolaus-Kark in Wulsdörp tostännig. De Johannes-de-Döper-Kark höört siet 1. November 2006 to de Karkengemeen Hillig Hart Jesu in Geestmünn.
De Doden ut Drostendamm warrt op’n Karkhoff Hahnenknoop begraven.
Weertschop un Infrastruktur[ännern | Bornkood ännern]
För Drostendamm is de freewillige Füürwehr Hahnenknoop mit tostännig.
Verkehr[ännern | Bornkood ännern]
De eenzige Straat von Drostendamm löppt in’n Süüdwesten na Hahnenknoop an de Landsstraat 135, de in’n Noordwesten över Stotel un Ness na Bremerhoben-Wulsdörp geiht un in’n Süüdoosten twüschen Hagen un Braamst langsföhrt un över Garlst na Bremen-Noord löppt.
De nächste Autobahn is de Autobahn 27 (Afsnidd Bremen–Bremerhoben). De Opfohrt 10 Bremerhoben-Süüd liggt so acht Kilometer in’n Noordwesten von Drostendamm an de L 135.
De nächste Bahnhoff is so bi teihn Kilometer wied weg in’n Noordoosten de Bahnhoff Luunst an de Bahnlien Bremen–Bremerhoben.
Footnoten[ännern | Bornkood ännern]
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 155
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 163
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 51