Drangst

Vun Wikipedia
Wesseln na: Navigatschoon, Söök
Wapen/Flagg Koort
Wapen vun Drangst
Drangst
Laag vun Drangst in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Beers
Flach: 17,02 km²
Inwahners: 1.477 (2011-12-3131. Dezember 2011)
Inwahnerdicht: 86,8 Inwahners pro km²
Hööchd: 9 m över de See
Postleettall: 27624
Vörwahl: 04704
Geograafsche Laag:
Koordinaten:53° 37′ N, 8° 45′ O
53° 37′ N, 8° 45′ O
Gemeenslötel: 03 3 52 013
Öörd in de Gemeen: 1
Börgermeester: Peter Pommer
Websteed: www.bad-bederkesa.de
Noordsee Sleswig-Holsteen Bremerhaven Landkreis Oosterholt Landkreis Rodenborg Landkreis Stood Landkreis Wersermarsch Armsdörp Beers Gemeen Belen Gemeen Beverst Gemeen Hagen (Landkreis Cuxhoben) Gemeen Bülkau Kumbarg Cappel (Neddersassen) Cuxhoben Drangs Gemeen Hagen (Landkreis Cuxhoben) Dorum Gemeen Elm Flögeln Gemeen Geversdörp Gemeen Hagen (Landkreis Cuxhoben) Gemeen Heckthusen Gemeen Hemmoor Hollnseth Gemeen Helmworth Köhlen Köhlen Gemeen Kührst Gemeen Loomst Gemeen Loomst Gemeen Langen Gemeen Lintig Gemeen Lox Millm Misselwarden Gemeen Mittelsnohn Mulsum (Land Wusten) Neenkarken Neehuus Gemeen Noordholt Lee (Landkreis Cuxhoben) Gemeen Öberndörp Goddshem Gemeen Oosten Oosterbrook Otterndörp Padingbüddel Gemeen Ringst Gemeen Hagen (Landkreis Cuxhoben) Gemeen Schippdörp Steenau Gemeen Stinst Gemeen Stinst Gemeen Hagen (Landkreis Cuxhoben) Gemeen Wannen Gemeen Wingst Wremen Gemeen Hagen (Landkreis Cuxhoben)
Laag von Drangst in’n Landkreis Cuxhoben (Koort lett sik anklicken)

Drangst (hoochdüütsch Drangstedt) is en Dörp un Gemeen in de Samtgemeen Beers in’n Landkreis Cuxhoben, Neddersassen mit 1477 Inwahners.

Geografie[ännern | Bornkood ännern]

Drangst liggt in en Rebeed von Masch, Moor un Geest. de Oort is von üm un bi 6,45 km² Holt ümgeven, wat een von de gröttsten Büsch in dat Elv-Werser-Dreeeck is. An’n Noordoostrand von dat Dörp liggt dat Naturschuulrebeed Ahlershorst.

De Naveröörd sünd Stüh in’n Noorden, Fickmöhlen in’n Noordoosten, Beers in’n Oosten, Alfst in’n Süüdoosten, Elm in’n Süden, Laven in’n Süüdwesten, Wehden un Debst in’n Westen un Hemendörp in’n Noordwesten.

De Navergemenen sünd op en lütt Enn in’n Noorden de Gemeen Flögeln, Beers in’n Oosten, Kührst in’n Süüdoosten, Elm in’n Süden, Schippdörp in’n Süüdwesten un Langen in’n Noordwesten.

Historie[ännern | Bornkood ännern]

De öllsten Funnen in Drangst sünd de över 100 Hünengräver. De Hünenbedden von Drangst ut de Jungsteentied twüschen 3500 un 2800 v. Chr. sünd in’t Knüppelholt in’n Westen von Drangst to finnen.

Drangst kummt an’n 24. August 1312 as Dranckestede toeerst in de Oorkunnen vör, as Hinnerk von Elm sien Huus un Land an dat Klooster Olenwoold för teihn Mark verpannt hett.

De Naam von dat Dörp kummt wohrschienlich von en Steed, an de dat Veh supen kunn (Drank-Steed).

1942 hebbt se in’n Tweten Weltkrieg in’t Knüppelholt en Lazarett för Wehrmacht-Soldaten anleggt. Dat Lazarett is von 1944 af an ok as Krankenhuus bruukt worrn, in dat Patschenten opnahmen worrn sünd, de in de utbummt Krankenhüüs von Bremerhoben nich mehr ünnerkamen kunnen. 1952 is dor en Statschoon för Tuberkuloos-Kranke tokamen un dor sünd MTA-Schölers utbillt worrn.

Von’n 1. April 1967 af an weren dor de Marienlehrkumpanie för Verwendung in’t Butenland un de Schippstammleitsteed Drangst ünnerbröcht un von’n 1. April 1973 bet 22. Dezember 1982 hett dat in Drangst en Butensteed von de Marienoortungsschool mit de Lehrgrupp Grundutbillung geven. 1982/1983 hebbt in de Anlagen Flegersoldaten von’n Flegerplatz Noordholt un von de US Army wahnt. Na 1983 sünd de Anlagen afreten worrn. Von de olen Baracken staht vondaag noch veer, de nich afreten worrn sünd, vonwegen dat dor nu Fladdermüüs in leven doot.

Verwaltungsgeschicht[ännern | Bornkood ännern]

Drangst hett bet 1859 in de Vaagdie Drangst in dat Amt Beers legen un weer denn in dat Amt Leh. 1885 is Drangst Deel von’n Kreis Leh worrn un hett na 1932 to’n Landkreis Wersermünn tohöört. 1977 is de Landkreis Wersermünn denn Deel von’n Landkreis Cuxhoben worrn.

An’n 1. April 1971 is Drangst Liddmaat von de eerste Samtgemeen Beers worrn. Dat hett aver blots bet to’n 1. März 1974 duurt, denn is Drangst Deel von de ne’e, gröttere Samtgemeen Beers worrn.

Dat is beslaten, dat Drangst tohoop mit de ganze Samtgemeen Beers un de Stadt Langen to’n 1. Januar 2015 de Gemeen Geestland billen schall. Drangst warrt denn en Oortschop mit egen Oortsraad binnen disse Gemeen.

Inwahnertall[ännern | Bornkood ännern]

Johr Inwahners
1824-00-00 1824[1] 41 Füürsteden
1848-00-00 1848[2] 283 Lüüd. 52 Hüüs
1910-12-011. Dezember 1910[3] 423
1925-00-00 1925[4] 531
1933-00-00 1933[4] 586
1939-00-00 1939[4] 610
2011-12-3131. Dezember 2011 1.477

Religion[ännern | Bornkood ännern]

Drangst is evangeelsch präägt un höört to dat Kaspel von de Leevfroon-Kark in Elm.

Wapen[ännern | Bornkood ännern]

Dat Wapen von Drangst wiest op sülvern Grund en grönen Barg över en sülvern Schildfoot. Op’n Barg is en gollen Ossenkopp mit sülvern Höörn to sehn. Baven sünd twee gröne Dannenbööm to sehn.

Politik[ännern | Bornkood ännern]

Gemeenraad[ännern | Bornkood ännern]

Gemeenraad
Johr \ Partei Tall CDU SPD
2001 11 6 5
2006 11 6 5
2011 11 5 6


Liddmaten
  • 2011:
    CDU: Heike Duryn, Rüdiger Dasenbrock, Heinrich Kimker, Rafael Platek, Nils Vogelsänger
    SPD: Peter Pommer, Helmut Wöhlke, Uwe Lorenz, Ursula Albers, Vera Neuenfeldt, Peter Reumann

Börgermeesters[ännern | Bornkood ännern]

Zeit Börgermeester Partei
2001- Peter Pommer SPD

Kultur[ännern | Bornkood ännern]

Verenen[ännern | Bornkood ännern]

De Schützenvereen Drangst is 1875 grünnt worrn. De Oort hett ok en Freewillige Füürwehr.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Drangst liggt an de Landsstraat 120, de in’n Westen över Debst na Langen löppt un in’n Oosten na Beers. In’n Noordwesten löppt de Kreisstraat 65 na Hemendörp un in’n Süden de K 60 na Elm. Över de L 120 is de Oort ok an de Autobahn 27 anslaten, de so fiev Kilometer in’n Westen von Drangst langslöppt.

De nächste Bahnhoff is de Bahnhoff Wremen an de Bahnlien Bremerhoben-Cuxhoben. 1896 harr dat Dörp ok en egen Bahnhoff an de Bahnlien Bremerhoben-Beers kregen, de 1968 aver wedder dichtmaakt hett. De Bahnlien warrt vondaag as Museumsbahn bedreven.

Scholen[ännern | Bornkood ännern]

Drangst hett mit de Grundschool Drangst en egen Grundschool un ok en Kinnergoorn.

Lüüd[ännern | Bornkood ännern]

De Juristin Barbara Ambrosius is 1944 in Drangstedt boren, jüstso as de Politikerin Brigitte Adler un de Politiker Bernd Ravens. De Politiker Torsten Lange is 1945 in Drangst boren un Werner Hoyer 1946.

Literatur[ännern | Bornkood ännern]

  • Helmut Wöhlke: Gemeinde Drangstedt. 685 Jahre: Ein Norddeutsches Dorf im Wandel der Zeit 1312-1997. Sülvsverlag, Drangst 1998
  • Drangstedt. 700 Jahre 1312-2012. Veränderung eines Dorfbildes. 2012

Footnoten[ännern | Bornkood ännern]

  1. C. H. Jansen: Statistisches Handbuch des Königreichs Hannover. 1824, Sied 144: http://books.google.de/books?id=tG0AAAAAcAAJ&pg=PA144
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 131: http://books.google.de/books?id=eOI-AAAAcAAJ&pg=PA131
  3. http://www.gemeindeverzeichnis.de/gem1900/gem1900.htm?hannover/lehe.htm
  4. 4,0 4,1 4,2 http://www.verwaltungsgeschichte.de/wesermuende.html

Weblenken[ännern | Bornkood ännern]

Commons-logo.svg Drangst. Mehr Biller, Videos oder Audiodateien to’t Thema gifft dat bi Wikimedia Commons.