Alfst (Landkreis Cuxhoben)
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 8,19 km² | |
| Inwahners: | ||
| Postleettall: | 27624 | |
| Vörwahl: | 04745 | |
| Geograafsche Laag: | Koordinaten:53° 36′ N, 8° 49′ O53° 36′ N, 8° 49′ O | |
|
| ||
Alfst (hoochdüütsch Alfstedt) is en Dörp in de Gemeen Geestland in’n Landkreis Cuxhoben, Neddersassen. Dat höört polietsch to de Oortschop Kührst binnen de Gemeen Geestland.
Geografie[ännern | Bornkood ännern]
De Naveröörd sünd Beers in’n Noorden, Lintig in’n Oosten, Hainmöhlen un Ringst in’n Süüdoosten, Kührst in’n Süüdwesten, Elm in’n Westen un Drangst in’n Noordwesten.
De Noorden von Alfst warrt sien Water över den Fickmöhlener Randkanaal loos, de Süden över den Scheebeek na’n Beers-Geest-Kanaal.
Historie[ännern | Bornkood ännern]
In’n Eersten Weltkrieg sünd 13 Soldaten ut Alfst fullen oder vermisst un in’n Tweten Weltkrieg 17.[1]
Verwaltungsgeschicht[ännern | Bornkood ännern]
Vör 1859 leeg Alfst in de Vaagdie Kührst von de Böörd Ringst in dat Amt Beers un denn bet 1885 in dat Amt Leh. Na 1885 weer dat in’n Kreis Leh. 1932 is dat denn Deel von’n Kreis Wersermünn worrn un 1977 Deel von Landkreis Cuxhoben.
1968 is de Gemeen Alfst Deel von de Gemeen Kührst worrn un 1974 Deel von de Samtgemeen Beers. Gemeen un Samtgemeen sünd to’n 1. Januar 2015 oplööst worrn. Dat Rebeed is denn Deel von de Eenheitsgemeen Geestland worrn.
Inwahnertall[ännern | Bornkood ännern]
| Johr | Inwahners |
|---|---|
| 1824[2] | 40 Füürsteden |
| 1848[3] | 225 Lüüd, 46 Hüüs |
| 1. Dezember 1910[4] | 234 |
| 1925[5] | 267 |
| 1933[5] | 279 |
| 1939[5] | 300 |
Religion[ännern | Bornkood ännern]
Alfst is evangeelsch-luthersch un evangeelsch-reformeert präägt un höört to dat Kaspel von de Simultankark St. Fabian in Ringst.
För de Kathoolschen is de Hillig-Hart-Jesu-Kark in Leh tostännig, to de ok de St.-Benedikt-Kapell in Beers tohöört.
Wapen[ännern | Bornkood ännern]
Dat Wapen von Alfst wiest op roden Grund en sülvern Reiher mit gollen Fööt un Snavel. Dat kummt von dat Wapen von de Familie von de Lieth af, de von 1356 bet 1782 dat Regeer över dat Dörp harr.
Kultur[ännern | Bornkood ännern]
En Denkmaal för de Fullenen ut de twee Weltkrieg’ steiht in Alfst bi’n Karkhoff.
Weertschop un Infrastruktur[ännern | Bornkood ännern]
Dat Dörp hett en egene Freewillige Füürwehr.
Verkehr[ännern | Bornkood ännern]
Alfst liggt an de Kreisstraat 38, de in’n Noordoosten na Beers löppt un in’n Süden na Kührst. Na Oosten to geiht de K 36 na de Landsstraat 128 ran.
Literatur[ännern | Bornkood ännern]
- Hinrich Schniedewind (Rutgever): Kührstedt und Alfstedt. 1139-1989. Ditzen Verlag, Kührst 1989
Footnoten[ännern | Bornkood ännern]
- ↑ http://www.denkmalprojekt.org/dkm_deutschland/alfstedt_row_ns.htm
- ↑ C. H. Jansen: Statistisches Handbuch des Königreichs Hannover. 1824, Sied 10: http://books.google.de/books?id=tG0AAAAAcAAJ&pg=PA10
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 131: http://books.google.de/books?id=eOI-AAAAcAAJ&pg=PA131
- ↑ http://www.gemeindeverzeichnis.de/gem1900/gem1900.htm?hannover/lehe.htm
- ↑ a b c http://www.verwaltungsgeschichte.de/wesermuende.html
Weblenken[ännern | Bornkood ännern]
Alfst (Landkreis Cuxhoben). Mehr Biller, Videos oder Audiodateien to’t Thema gifft dat bi Wikimedia Commons.