Düvelsmoor (Dörp)
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | ||
| Postleettall: | 27711 | |
| Vörwahl: | 04796 | |
| Geograafsche Laag: | Koordinaten:53° 16′ N, 8° 54′ O53° 16′ N, 8° 54′ O | |
|
| ||
Düvelsmoor (hoochdüütsch Teufelsmoor) is en Dörp un Oortschop in de Gemeen Oosterholt-Scharmbeek in’n Landkreis Oosterholt, Neddersassen.
Geografie[ännern | Bornkood ännern]
Dat Dörp Düvelsmoor liggt an dat rechte Över von de Hamm in’t Düvelsmoor, dat densülven Naam driggt.
De Naveröörd sünd Verlüssmoor in’n Noorden, Huttenbusch un Överhamm in’n Oosten, Worpsweed in’n Süden, Pennigbüttel, Olendamm un Wulfsborg in’n Süüdwesten, Neddersandhusen, Sandhusen un Ströh in’n Westen un Heißenbuttel in’n Noordwesten.
Historie[ännern | Bornkood ännern]
Düvelsmoor kummt 1335 dat eerste Maal in de Oorkunnen vör. De Oort weer een von de eersten Kolonien in’t Düvelsmoor langs de Hamm.
An’n 1. März 1974 is Düvelsmoor bi de Gemeenreform in Neddersassen Deel von de Gemeen Oosterholt-Scharmbeek worrn un billt sietdem en Oortschop mit egen Oortsvörsteiher binnen de Gemeen.[1]
Inwahnertall[ännern | Bornkood ännern]
| Johr | Inwahners |
|---|---|
| 1824[2] | 77 Füürsteden |
| 1848[3] | 421 Lüüd, 64 Hüüs |
| 1858[4] | 440 |
| 1. Dezember 1910[5] | 400 |
| 1925[6] | 448 |
| 1933[6] | 417 |
| 1939[6] | 560 |
Religion[ännern | Bornkood ännern]
Düvelsmoor is evangeelsch-luthersch präägt un höört siet 1. Oktober 1992 to dat Kaspel von de Emmaus-Kark in Pennigbüttel. Vörher hett de Oort to dat Kaspel von de Willehadi-Kark in Scharmbeek höört.
För de Kathoolschen is de Hillige-Familie-Kark in Oosterholt-Scharmbeek tostännig.
Wapen[ännern | Bornkood ännern]
Dat Wapen is von en Wellensnidd deelt un wiest baven links op sülvern Grund en Düvel in gröön mit rode Höörn un Klaun, de in de Hannen en gollen Peek höllt. Dat Feld ünnen rechts is swart.
Weertschop un Infrastruktur[ännern | Bornkood ännern]
Verkehr[ännern | Bornkood ännern]
Düvelsmoor liggt an de Landsstraat 153, de in’n Westen bi Oosterholt-Scharmbeek an de Bundsstraat 74 ran löppt un in’n Oosten twischen Huttenbusch un Mevenstedt na de L 165 geiht. Na Noorden löppt de K 30.
De Opfohrt 16 Bremen-Noord op de Autobahn 27/270 liggt so 18 Kilometer in’n Süüdwesten von Düvelsmoor.
De nächste Bahnhoff is so bi negen Kilometer wied weg in’n Süüdwesten de Bahnhoff Oosterholt-Scharmbeek an de Bahnlien Bremen–Bremerhoben.
Literatur[ännern | Bornkood ännern]
- Georg Wendelken: 650 Jahre Dorf Teufelsmoor: 1335 - 1985. 1985
Footnoten[ännern | Bornkood ännern]
- ↑ Hauptsatzung von de Stadt Oosterholt-Scharmbeek, § 8
- ↑ C. H. Jansen: Statistisches Handbuch des Königreichs Hannover. 1824, Sied 593: http://books.google.de/books?id=tG0AAAAAcAAJ&pg=PA593
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 138: http://books.google.de/books?id=eOI-AAAAcAAJ&pg=PA138
- ↑ Franz Heinrich Ungewitter: Neueste Erdbeschreibung und Staatenkunde. 1858, Sied 421: http://books.google.de/books?id=ZkoNAQAAIAAJ&pg=PA421
- ↑ http://www.gemeindeverzeichnis.de/gem1900/gem1900.htm?hannover/osterholz.htm
- ↑ a b c http://www.verwaltungsgeschichte.de/osterholz.html
Düvelsmoor | Freißenbüttel | Garlst | Heilshorn | Hülsbarg | Ohlenst | Oosterholt-Scharmbeek | Pennigbüttel | Sandhusen | Scharmbeekstotel