Bruker Diskuschoon:Hanspeter Köster

Willkamen

Moin Hanspeter Köster un willkamen op de plattdüütsche Wikipedia. Wi freit uns, dat du helpen wullt, unse lütte Wikipedia noch beter to maken. Eerste Infos för Ne’e gifft dat ünner Wikipedia:Infos för Ne’e. Wenn du noch nich in annere Wikis mitschreven hest, denn kannst du ünner Wikipedia:Inwiesung nalesen, wie dat allens hier geiht. Bi Fragen oder Problemen kannst di geern an annere Brukers wennen. Dat geiht to’n Bispeel ünner Wikipedia:Ik bruuk Hülp.

Un wenn du ans nich veel Plattdüütsch schriffst, wees nich bang, dat dien schreven Platt to slecht is. Nüms warrt di en Been utreten. Man jümmer driest to!

Mit allerbeste Gröten,
Bruker:Moin!

Windwarber

Willkamen op de plattdüütsche Wikipedia. To'n Maulwurf hebbt wi al en Artikel. Ik heff dat nu so inricht, dat de Indrag Windwarber wiederwiest na Winnewörp. Beste Gröten --::Slomox:: >< 23:43, 9. Feb. 2011 (CET)

Velen Dank för dat Willkamen! Wör dat nich bannich goot, wenn dor dann uk bi stünn, dat dat een Maulwurf is? Veele Gröten Hape - Schull ick wohl min Noom ännern?--Hape ✍ 00:19, 10. Feb. 2011 (CET)

Wör dat nich bannich goot, wenn dor dann uk bi stünn, dat dat een Maulwurf is? Wi hebbt dor doch en Bild bi, dor is dat licht op to sehn, wat dat för en Deert is. Un wenn dat nich reckt, denn kann een ok noch links ünnen bi "Annere Spraken" op "Deutsch" gahn un denn steiht dor ok "Maulwürfe".

Wi sünd de plattdüütsche Wikipedia un dorüm schrievt wi allens op Platt. Den hoochdüütschen Naam hebbt wi in unse Artikels normalerwies nich mit in. De hoochdüütsche Wikipedia hett den plattdüütschen Naam ok nich in sien Artikel in ;-) Un denn maakt wi dat annersrüm ok nich. Dor sünd wi stuur --::Slomox:: >< 00:33, 10. Feb. 2011 (CET)

Na, goot. As Du meenst. Ober wies man nich so stur, un schriff dor doch bitte noch den "Hümpelsmieter" dorbi. Un wichtig is viellich jo uk noch, dat ick dat ut "Heinrich Teut: Hadelner Wörterbuch - IV - S bis Z" heff. So wiet weer ick nämlich noch nich komen. Dor weer dat jo allns weller wech. - Ober mokt nix.

Un, de hebbt übrigens ton Bispeel bi "Cadenberge" in hochdütsch Wiki uk dat plattdütsch "Cuddeldut/Kumbarg" dorbi schreven. Ick find dat uk ganz goot, den fins dat uk!

So, bi mien nächsten Woort, kiek ick mi alln´s genauer an un veeln Dank för den lütten Klönschnack!

Hoffentlich ward di nich slecht, ick kann wohl goot schnacken, ober schrievn, dat will ick wull noch leern. Hape--Hape ✍ 01:28, 10. Feb. 2011 (CET)