Winnewörp

„Göör“ wiest op düsse Siet. Dat Woort hett noch annere Bedüden: Göör för Kind, kiek daar.

Winnewörp
Europääsche Winnewörp (Talpa europaea)
Systematik
Stamm: Chordata Klass: Söögdeerten (Mammalia) Ünnerklass: Högere Söögdeerten (Eutheria) Böverornen: Laurasitheria Ornen: Insektenfreters (Eulipotyphla)
Wetenschoplich Naam
Talpidae
Fischer 1817

De Winnewörp is ene Familie vun Deerten, de ünner de Eer leevt. Alhannten wett he ok „De swarte Düvel“ nöömt. Winnewörpen höört to de Familie vun de Talpidae. De gifft dat in’n Noorden un in de Midden vun Eurasien un vun Noordamerika. De Winnewörp-Oort, de in Middeleuropa leevt, warrt Europääsch Winnewörp (Talpa europaea) nöömt.

De Winnewörp wöhlt meist lüttke Höpe in’n Goorn, un so ganz nebenbi kickt he so’n beten na de Flegen un so’n Kraam un putzt dat allens mit weg.

Naams

De Winnewörp warrt in Plattdüütsch ok Fröt, Fröte (Fröt un Fröte: Emsland, Pl.: Fröten), Frote, Fraute, Göör, Gööre ((Westmünsterland, Bocholt), Hunnewap, Hunnewupp (Hunnewap un Hunnewupp: Ollenborger Mönsterland), Kruup in't Lock, Moorworm, Mulewarp, Mull, Mullewap, Mullewarp (Mullewap un Mullewarp in Noord-Sleswig-Holsteen), Mullwarp, Mullwöhler, Mullwörp, Mullworm, Mullworp, Muulworm, Mullwupp, Wandworp, Wannerrup, Windwarber (Hadeln), Winnewarp, Winnwarp, Winnworp, Winnwupp nöömt. In Latinsch heet de Winnewörp: Talpa europaea (dat is de wetenschopplich Naam), in Düütsch: Maulwurf.