Wikipedia:Infos för Niege

Vun Wikipedia
(wiederwiest vun Wikipedia:Infos för Ne’e)

Willkamen bi Wikipedia, de fre’e Enzyklopädie.

Wat is de Wikipedia?

De Wikipedia is ene Enzyklopädie oder en Nakieksel, dat nich vun ene faste, betahlte Redaktschoon schreven warrt, sünnern man vun freewillige Mitarbeiders. De Naam Wikipedia sett sik tosamen ut Wiki, en hawaiiaansch Woort för „gau“, un Enzyklopädie. En Wiki is ene Websteed, bi de de Sieden vun jedereen licht un ahn groot Weten över technischen Kraam glieks in’n Nettkieker ännern kann.

Disse plattdüütsche Utgaav vun Wikipedia, de dat siet April 2003 gifft, is blots ene vun vele Utgaven in verschedene Spraken. En Överblick över de annern Spraken gifft dat ünner Wikipedia:Spraken. De gröttsten sünd de engelsche mit mehr as dree Millionen un de hoochdüütsche Wikipedia mit mehr as ene Million Artikels. De Plattdüütsche höört dorbi mit 84.634 Artikels noch to de lüttjeren Utgaven.

Anners as de bekannten druckten Enzyklopädien is de Wikipedia free. Dat gifft ehr nich blots kostenloos in’t Internett, jedereen dröff se bi Angaav vun de Quelle un de Autoren free koperen un annerwegens bruken. Dat is dör de GNU-Lizenz för fre’e Dokumentatschoon fastleggt, ünner de de Autoren jemehr Texten to Verfögung stellt. Mehr Infos to Wikipedia

Un dor kann ik ok mitmaken?

Jo, dor kann jedereen mitmaken. Wenn du noch jümmer Bedenken hest, denn lees di doch mal disse Siet dör, wat wi al fakener höört hebbt, un wat wi dorto to seggen hebbt.

Tour dör de Wikipedia

’Keen mehr över de Wikipedia weten will, de kann de lütte Tour hier mitmaken. Dor warrt verkloort, wie du Artikels finnen kannst un di in de Wikipedia torechtfinnst.

To de Tour

Sülvs mitschrieven

InwiesungWikipedia:Inwiesung
Inwiesung

Inwiesung

De Wikipedia hett kene faste, betahlte Redaktschoon, allens warrt vun freewillige Schrievers maakt. Un du kannst ok mitmaken. Wenn du dorto Lust hest, denn kiek mal in de Inwiesung, wie dat aflöppt. Is ganz licht.

To de Inwiesung

Anmellen

Baven rechts kannst di anmellen un enen Brukernaam ingeven, de denn bi all diene Arbeiden an de Artikels spiekert warrt. Dat Anmellen is aver kene Plicht. Bet op en poor Utnahmen, Biller hoochladen to’n Bispeel, köönt nich anmellte Brukers allens maken, wat anmellte Brukers ok köönt.

Mehr Infos to dat Anmellen

Un nu veel Spaaß op de Sieden vun de Wikipedia!