Brewster Hopkinson Shaw

Vun Wikipedia
Wesseln na: Navigatschoon, Söök

Brewster Hopkinson Shaw, Jr. (* 16. Mai 1945 in Cass City, Michigan, USA) is en ehmalger US-amerikaansch Astronaut.

Utbildung[ännern | Bornkood ännern]

Shaw hett 1963 sien Afsluss an de Cass City High School in Michigan makt. Dornah hett he Maschinenbau an de University of Wisconsin-Madison studeert un dor 1968 en Bachelor-Grad kreegen. 1969 mak he denn noch sien Master.

US Air Force[ännern | Bornkood ännern]

1969 is he in de US Air Force intreden, nahdem he de Offiziersschool afslooten harr. Dornah harr he in Kampinsatzen in de Vietnamkrieg. Later wurr he denn to’n Testpiloten utbildt un floog hööftsächlich de Jagdfloogtüüch F-100 un F-4.

He hett insgesamt över 5.000 Floogstünn in över 30 Strahlfloogtüüch, 644 dorvan in’ Kampinsatz över Vietnam.

NASA[ännern | Bornkood ännern]

1978 wurr he in de die 8. Astronautengrupp vun de NASA wählt un en Johr lang as Pilot utbildt.

STS-9[ännern | Bornkood ännern]

Besatzung von STS-9

Sien eersten un längsten Weltruuminsatz harr Shaw as Pilot vun de Mission STS-9 van 28. November bit 8. Dezember 1983 mit dat Space Shuttle Columbia, bi de to’n eersten Mal dat Weltruumlabor Spacelab mitführt wurr. Ünner dat Kommando vun Astronautenlegende John Young, de as eerste Minsch bi disse Mission to’n sössten Mal in’t All floog, weer dato k de eerste Mission mit söss Ruumfohrer. Dat weer ok de eerste NASA-Mission, bi de en Nichtamerikaner, de Düütsch Ulf Merbold Liddmaat vun de Besatzung weer. An Bord weern dorto Robert Alan Ridley Parker, Owen Kent Garriott (Missionsspezialisten) as ok Byron Kurt Lichtenberg. Disse Mission düer 10 Daag un 7 Stünnen.

STS-61-B[ännern | Bornkood ännern]

Bi disse Mission wurr to’n tweeten de Atlantis insett. Shaw weer Kommandant vun disse Mission, de as Hööftupgaav harr, dree Kommunikationssatelliten in’t All to bringen.

An Bord befunn sück up sien Eerstfloog de Astronaut Jerry Lynn Ross, de later as eerst Minsch söben Mal in’t All flagen is. De anner Liddmaaten weern: Bryan Daniel O’Connor (Pilot), Mary Louise Cleave, Sherwood Clark Spring (all Missionsspezialisten), Rodolfo Neri Vela un Charles David Walker (Nutzlastspezialisten).

STS 61-N[ännern | Bornkood ännern]

In’ Dezember 1985 wurr Shaw as Kommandant för de Mission STS-61-N för dat US-Verteidigungsministeriums indeelt. As anner Crewliddmaaten weern Pilot Michael James McCulley, de Missionsspezialisten James Craig Adamson, David Cornell Leestma un Mark Neil Brown as ok de Nutzlastspezialisten Frank Casserino (MSE) un Lawrence Skantze (DoD) vörsehn. Disse Mission sull in’ September 1986 starten, wurr aber nah de Challenger-Katastroph an’ 28. Januar 1986 afseggt.

STS-28[ännern | Bornkood ännern]

Disse Mission weer de tweet Mission nah de Challenger-Katastroph. Dat weer en Mmilitärischen Mission un man weet nich nipp un nau, wat de Besatzung ro doon harr. Man nimmt an, dat se en geheimen Satelliten utsett hebbt. Dat weer Shaws dart un letzt Floog. He weer Kommandant vun disse Mission. De anner Liddmaaten weern: Richard Noel Richards (Pilot) und de dree Missionsspezialisten Adamson, Leestma un Brown, de all mit hüm in de Mission STS 61-N fleegen sullen.

Nah de Ruumflöög[ännern | Bornkood ännern]

Shaw weer tüschen de beid letzt Flüüg ok an de Ünnersöken vun dat Challenger-Unglück bedeeligt. Nah sien letzt Mission wurr he stellvertreden Direkter för Space Shuttle-Missionen in’t Kennedy Space Center. Dornah wurr he to’n stellvertreden Programm-Manager vun Space-Shuttle-Programm.

Sien letzt Arbeitsplatz bi de NASA harr he bit 1996 in dat Kennedy Space Center as Direkter für Space Shuttle-Missionen, in disse Funktion ünnerstunne hüm all Elemente vun de Shuttles inklusive Tank, Booster un Drievwarken.

1996 wessel he nah 27 Johr bi de Air Force un NASA to Rockwell. Disse Firma wurr in dat glieker Johr aber noch vun de Konkurrent Boeing köfft un somit wurr Shaw en vun de Direkters vun de Ruumfohrtafdeelen in de Konzern. Hier weer he vör allen verantwortlich för eenzeln Baudeelen vun de ISS, an de Boeing all lang arbeiten dee.

Midden 2003 wessel he to United Space Alliance un weer dor verantwortlich för dat Space Shuttle-Programm un anner Regularien.

2006 wessel he to Boeing torüch un weer denn Baas vun de Ruumfohrtafdeelen. An' 26. August 2011 is he in Ruhestand gahn. Toletzt weer he Viezpräsident un Generalmanager vun de Space Exploration Division bi Boeing.

Tosommenfaaten[ännern | Bornkood ännern]

Nr Mission Funktion Floogdatum Floogduer
1 STS-9 Pilot 28. November - 8. Dezember 1983 10d 07h 47m
2 STS-61-B Kommandant 27. November - 3. Dezember 1985 6d 21h 04m
3 STS-28 Kommandant 8. August - 13. August 1989 5d 01h 00m

Privat[ännern | Bornkood ännern]

Shaw is en vun de Mitbegrünner vun de Astronautenband Max Q. He is verheiraadt un hett dree Kinner.

Weblenken[ännern | Bornkood ännern]

Commons-logo.svg Brewster H. Shaw. Mehr Biller, Videos oder Audiodateien to’t Thema gifft dat bi Wikimedia Commons.