John Watts Young

Vun Wikipedia
Wesseln na: Navigatschoon, Söök

John Watts Young (* 24. September 1930 in San Francisco, Kalifornien, USA) is en ehmalger US-amerikaansch Astronaut. He hett de langste und spoodriekste Karriere bi de NASA.

Nah sien Schooltiet studeer Young an dat Georgia Institute of Technology in Atlanta un sloot sien Studium vun de Luftfohrttechnik 1952 mit hööchste Utteknungen af. Dornah gung he to de US-Marine un weer wiels den Korea-Krieg up dat US-Kriegsschipp (Zerstörer) USS Laws.

Dornah wurr he Pilot un Kampfpilot. 1962 is he vun de NASA as Astronaut (Grupp 2) utwählt wurrn. Twee Johr later mak he all sien eersten Ruumfloog in dat Ruumschipp Gemini 3. He un sien Kolleg Virgil Grissom weern bi de eerste Gemini-Mission meest 5 Stünnen in't All.Young fungeer as Pilot.

Gemini 3 – John W. Young (links) un Virgil Grissom, fotografeert bi Gemini 6

Sien nächst Mission weer Gemini 10. Ditmal weer sien Kolleg Mike Collins. Young weer nu Kommandant. Collins maak twee Weltruumspazeergänge, so nömmt EVA's. Meest 3 Daag weern se 1965 in't All. Dornah weer dat Gemini-Prgramm aber meest afslooten un völ Astronauten sünd nah dat Apollo-Programm wesselt. Ok John Youn hörr dorto.

1968 wurr he Pilot vun Apollo 10, de de Afslussmission vör den eegentlichen Maandfloog maken de. Dor wurrn nochmal de letzten Test makt. Mit an Bord weern Thomas Patten Stafford as Kommandant und Eugene Cernan. He floog üm de Maand rüm, as Stafford un Cernan bit dicht över de Maandböverflach flogen un denn weer torüchkeemen. Das funktioneer all ahn Probleme. Meest genau 8 Daag weern se 1969 ünnerwegens. Apollo 11 mit Neil Armstrong, Buzz Aldrin un Mike Collins kunn starten.

Mit Apollo 16 drüff he denn sülvst nah de Maand flegen un tosommen mit Charles Moss Duke ok dor landen. Thomas Kenneth Mattingly harr de Upgaav, so lang üm de Maand herümtoflegen, um sien Kollegen nahst weer upnehmmen to können. 11 Daag un meest twee Stünnen weern se 1971 ünnerwegens, dorvan weer Young 71 Stünnen un twee Minüten up de Maand. Dornah geev dat aber blots noch een Floog nah de Maand un en paar anner Missionen (Skylab un ASTP), aber de Hööftoogenmark gung nu nah dat Space Shuttle. Dat düer aber temelk lang, bit dat mal flegen dee. Völ Astronauten hebbt vördem all hör Karriere afslooten - John Young nich.

1981 drüff he tosommen mit Robert Crippen dat Shuttle to'n eersten Mal flegen (STS-1). De Testfloog düer nich lang un so weern se nah twee Daag un söss Stünnen ok all weer ünnern. Young harr aber nu all up 3 verscheeden Ruumfohrtüüch floogen.

Twee Johr later, wurr he de bit dorhenn spoodriekste Astronaut, as he Kommandant vun STS-9 wurr. He wurr de eerste Astronaut mit 6 Insatzen. An Bord weern dorto Brewster Hopkinson Shaw (Pilot), Robert Alan Ridley Parker, Owen Kent Garriott (Missionsspezialisten) as ok Byron Kurt Lichtenberg und de Düütsche Ulf Dietrich Merbold. Disse Mission düer 10 Daag un 7 Stünnen.

Young weer denn ok noch vör de Mission STS-61 J vörsehn, aber de Floog hebbt se nah dat Challenger-Unglück streken, bzw. ünner en annern Naam mit en anner Besatzung dörführt. Young bleev aber offiziell Astronaut, weer aber nu in führen Positschonen binnerhalv vun de NASA tätig (Baas vun dat Astronautenbüro, Technisch Direkter vun dat Johnson Space Center). Eerst to'n 31. Dezember 2004 is he in Pension gahn.