Boris Becker

Vun Wikipedia
Wesseln na: Navigatschoon, Söök

Disambig.svg Dit Woort hett noch annere Bedüden: kiek dorför ünner Boris Becker (Fotograaf).

Boris Becker, 2010
(Foto: Studio Harcourt)

Boris Franz Becker (* 22. November 1967 in Leimen) is en ehmoligen düütschen Tennisspeler. He hett in sien Profiloopbahn 49 Turneren in’t Enkelt, dorvun söss Grand-Slam-Turneren, wunnen un föffteihn Titels in’t Dubbelt. Twölf Weken lang weer he an de Spitz vun de Tennis-Weltranglist. Bito hett he bi de Olympischen Spelen wunnen un is bit hüüt de jüngste Winner in de Historie vun dat Turneer vun Wimbledon.

Tennisloopbahn[ännern | Bornkood ännern]

Chronologie[ännern | Bornkood ännern]

Becker is 1974 in den Tennisclub Blau-Weiß in Leimen inpeddt un keem dor in de Trainingsgrupp vun Boris Breskvar. Al dree Johr later is he in den Jöögdkader vun’n Badischen Tennisbund opnahmen worrn. He hett de Süüddüütschen Meesterschoppen un dat 1. düütsche Jüngsten-Tennisturneer wunnen. Dat Johr dorop, 1978, weer he in de düütsche Jöögd-Utwahlmannschop vun’n DTB un 1981 in de eerste Mannschop vun de Mannslüüd opnahmen. In’t Johr 1982 hett he in’t Dubbelt bi’n Orange Bowl wunnen – dat is en inoffizielle Jöögd-Weltmeesterschop in Miami.

Dree Johren later, 1985, weer he Juniorweltmeester un harr sien eersten Turneerspood in London. Gau bekannt worrn is Becker in’t Öller vun söventeihn Johren, as he an’n 7. Juli 1985 as eerste Speler, de nich sett weer, as eerste Düütsche un as jüngste Speler bi dat weltwiet bedüdenste Tennisturneer in Wimbledon mit dree to een Sätz gegen Kevin Curren dat Endspeel wunnen hett. Mit dissen Sieg weer he bit dorhen ok de jüngste Winner vun en GRand-Slam-Turneer överhaupt. För Becker sien Tennisloopbahn weer dat de Dörbrook, de ok den düütschen Tennissport gau na vörn bröcht hett. In korter Tiet is Tennis to’n populärsten Tokiekersport na’n Football worrn.

Becker is denn ok to’n düütschen Sportler vun’t Johr wählt worrn un wunn gau an Bekanntheit. Ok sien Trainer Günther Bosch (bit 1987) un sien Manager Ion Țiriac (bit 1993) weern dör em bekannt. Ok dat Nächste Johr weer Becker wedder Juniorweltmeester un hett butendem de Turneren in Toronto, Sydney, Tokio un Paris wunnen. Gegen Ivan Lendl hett he 1986 bito sien tweeten Triumph in Wimbledon hatt. Ok dat Johr weer he to’n Sportler vun’t Johr wählt. 1987 harr he in’n Davis Cup in Hartford sien legendär Duell gegen John McEnroe, dat he as Winner to Enn bringen de.

In’t Johr 1988 hett he söven Grand-Prix-Turneren wunnen. Ünner sien Föhren güng ok to’n eersten mol de Davis Cup an en düütsche Mannschop. Wimbledon hett he in’t Endspeel aver verloren. Dat nächste Johr hett he gegen Ivan Lendl dat Endspeel vun de US Open in New York City wunnen, wat na em noch keen Düütschen henkregen hett. Gegen Stefan Edberg hett he to’n drüdden mol dat Turneer vun Wimbledon mit Spood afslaten un mit de Mannschop künn he den Davis-Cup verdeffenderen. 1989 weer he denn ok to’n drüdden mol to’n Sportler vun’t Johr wählt.

Sien Spood hett de nächsten Johren anhollen: Ok 1990 hett he vele Turneren wunnen un weer ok wedder Sportler vun’t Johr. 1991 hett he denn to’n eersten mol de Spitz vun de Tennis-Weltranglist övernahmen, de he in dat Johr twölf Weken lang innahmen hett. 1992 hett he in’t Dubbelt tosamen mit Michael Stich de Goldmedaille bi de Olympischen Spelen in Barcelona wunnen. De ATP-Weltmeesterschop hett he ok 1992 wunnen un noch mol wedder 1995. In de Johren harr he noch en poor mol Spood bi grote Turneren, bit he 1999 in’t Öller vun 31 Johren denn vun’n Profisport torüchpeddt is.

Speelwies[ännern | Bornkood ännern]

Boris Becker op’n Platz, 1994

Becker sien Vördeel leeg vör allen op sien gauen Opslag un sien goot Nettspeel. Disse offensive Speelwies hett em tosamen mit Stefan Edberg to’n besten Serve-and-Volley-Speler in de tweten Hälft vun de 1980er Johren maakt. Stark weer he ok mit sien harde Vörhand.

Sien gau Offensivspeel hett em gliek to Anfang vun sien Loopbahn den Ökelnaam „Bumm-Bumm-Boris“ inbröcht. Sien tyypsch Speel, bi dat he veel wesseln un Druck maken de, künn he vör allen op gaue Belääg – sünners in de Hall (Supreme Court un Teppich) un op Rasen – entwickeln.

Kennteken vun Becker sien Speel weer butendem de „Becker-Heek“ oder „Becker-Rull“ – en Volleyball, den he in’n Heeksprung slahn hett. He weer weltwiet geern sehn, vunwegen dat he sien Speel bannig emotschonal maken de. Es Speler harr he en bannig starken Willen un teken sik dör starle Nerven ut. Typpsch weern ok de „Becker-Fuust“, also de ballte Fuust, de he na wunnene Big Points wiesen de, un de „Becker-Blocker“ – sien Return-Slag, den he mitünner meist ahn uttohalen hard un platzeert mit de Rüchhand speelt un to’n direkten Punktgewinn nütt hett.

Becker sien Trainers[ännern | Bornkood ännern]

As Becker mit dat Tennisspelen anfüng, weer Boris Breskvar sien Trainer. Mit Anfang vun de Profiloopbahn hett 1984 Günther Bosch disse Funkschoon övernahmen, vun em hett sik Becker aver 1987 wedder scheedt un Ion Țiriac hett övergangswies wietermaakt. För korte Tiet weer Frank Dick denn Trainer, de aver blots för Becker sien Fitness tostännig weer. Twüschen 1987 un 1991 keem Bob Brett in den Posten, de denn tietwies vun Niki Pilić för dree Maanden aflööst worrn is. Dorna weer bit 1992 Tomas Smid Becker sien Trainer. Övergangswies kenn denn Eric Jelen un dorna bit Mai 1993 Günther Bresnik.[1] Vun August 1995 an weer Becker vun Mike DePalmer traineert.[2]

Spood[ännern | Bornkood ännern]

Becker künn bi’t Masters (bit 1989) un de ATP-Weltmeesterschop (af 1990), dat letzte grote Turneer in de Saison, acht mol bit in’t Endspeelkamen un hett dor 1988, 1992 und 1995 wunnen. Bi’t Rasen-turneer in Wimbledon hett he dreemol wunnen un weer wietere veer mol in’t Endspeel. Dat letzte Endspeel vun sien leefst Turneer hett he 1995 gegen Pete Sampras verloren. Wunnen hett he ok bi annere Grand-Slam-Turneren as 1989 bi de US Open un 1991 un 1996 bi de Australian Open. Blots bi de French Open hett he dat nich bit in’t Endspeel maken künnt. Jüst so hett he ok nie en ATP-Turneer op ro’e Asch winnen künnt.

Wunnen Turneren (64)[ännern | Bornkood ännern]

Enkelt (49)[ännern | Bornkood ännern]

Legenn
Grand Slam (6)
ATP-Weltmeesterschop (3)
Super-9-Reeg (5)
ATP Tour (35)
Wunnen na Belag
Hardplatz (16)
Rasen (7)
Sand (0)
Teppich (26)
# Datum Turneer Belag Endspeelgegner Endresultat
1. 16. Juni 1985 London / Queen’s Club Rasen Flag of South Africa 1928-1994.svg Johan Kriek 6:2, 6:3
2. 7. Juli 1985 Wimbledon Rasen Flag of South Africa 1928-1994.svg Kevin Curren 6:3, 6:7, 7:6, 6:4
3. 25. August 1985 Cincinnati Hardplatz Flag of Sweden.svg Mats Wilander 6:4, 6:2
4. 30. März 1986 Chicago Teppich Flag of Czechoslovakia.svg Ivan Lendl 7:6, 6:3
5. 6. Juli 1986 Wimbledon Rasen Flag of Czechoslovakia.svg Ivan Lendl 6:4, 6:3, 7:5
6. 17. August 1986 Toronto Hardplatz Flag of Sweden.svg Stefan Edberg 6:4, 3:6, 6:3
7. 19. Oktober 1986 Sydney Indoor Hardplatz Flag of Czechoslovakia.svg Ivan Lendl 3:6, 7:6, 6:2, 6:0
8. 26. Oktober 1986 Tokio Indoor Teppich Flag of Sweden.svg Stefan Edberg 7:6, 6:1
9. 2. November 1986 Paris Indoor Teppich Flag of Spain.svg Sergio Casal 6:4, 6:3, 7:6
10. 22. Februar 1987 Indian Wells Hardplatz Flag of Sweden.svg Stefan Edberg 6:4, 6:4, 7:5
11. 5. April 1987 Mailand Teppich Flag of Czechoslovakia.svg Miloslav Mečíř 6:4, 6:3
12. 15. Juni 1987 London / Queen’s Club Rasen Flag of the United States.svg Jimmy Connors 6:7, 6:3, 6:4
13. 6. März 1988 Indian Wells Hardplatz Flag of Spain.svg Emilio Sánchez 7:5, 6:4, 2:6, 6:4
14. 2. April 1988 Dallas WCT Teppich Flag of Sweden.svg Stefan Edberg 6:4, 1:6, 7:5, 6:2
15. 12. Juni 1988 London / Queen’s Club Rasen Flag of Sweden.svg Stefan Edberg 6:1, 3:6, 6:3
16. 7. August 1988 Indianapolis Hardplatz Flag of the United States.svg John McEnroe 6:4, 6:2
17. 23. Oktober 1988 Tokio Indoor Teppich Flag of Australia.svg John Fitzgerald 7:6, 6:4
18. 6. November 1988 Stockholm Hardplatz Flag of Sweden.svg Peter Lundgren 6:4, 6:1, 6:1
19. 5. Dezember 1988 Masters Teppich Flag of Czechoslovakia.svg Ivan Lendl 5:7, 7:6, 3:6, 6:2, 7:6
20. 19. Februar 1989 Mailand Teppich Flag of the Soviet Union.svg Alexander Wolkow 6:1, 6:2
21. 26. Februar 1989 Philadelphia Teppich Flag of the United States.svg Tim Mayotte 7:6, 6:1, 6:3
22. 9. Juli 1989 Wimbledon Rasen Flag of Sweden.svg Stefan Edberg 6:0, 7:6, 6:4
23. 10. September 1989 US Open Hardplatz Flag of Czechoslovakia.svg Ivan Lendl 7:6, 1:6, 6:3, 7:6
24. 5. November 1989 Paris Indoor Teppich Flag of Sweden.svg Stefan Edberg 6:4, 6:3, 6:3
25. 18. Februar 1990 Brüssel Teppich Flag of Germany.svg Carl-Uwe Steeb 7:5, 6:2, 6:2
26. 25. Februar 1990 Stuttgart Indoor Teppich Flag of Czechoslovakia.svg Ivan Lendl 6:2, 6:2
27. 19. August 1990 Indianapolis Hardplatz Flag of Sweden.svg Peter Lundgren 6:3, 6:4
28. 7. Oktober 1990 Sydney Indoor Hardplatz Flag of Sweden.svg Stefan Edberg 7:6, 6:4, 6:4
29. 28. Oktober 1990 Stockholm Teppich Flag of Sweden.svg Stefan Edberg 6:4, 6:0, 6:3
30. 27. Januar 1991 Australian Open Hardplatz Flag of Czechoslovakia.svg Ivan Lendl 1:6, 6:4, 6:4, 6:4
31. 27. Oktober 1991 Stockholm Teppich Flag of Sweden.svg Stefan Edberg 3:6, 6:4, 1:6, 6:2, 6:2
32. 16. Februar 1992 Brüssel Teppich Flag of the United States.svg Jim Courier 6:7, 2:6, 7:6, 7:6, 7:5
33. 1. März 1992 Rotterdam Teppich Flag of Russia (1991-1993).svg Alexander Wolkow 7:6, 4:6, 6:2
34. 4. Oktober 1992 Basel Hardplatz Flag of Czechoslovakia.svg Petr Korda 3:6, 6:3, 6:2, 6:4
35. 8. November 1992 Paris Indoor Teppich Flag of France.svg Guy Forget 7:6, 6:3, 3:6, 6:3
36. 22. November 1992 ATP-Weltmeesterschop Teppich Flag of the United States.svg Jim Courier 6:4, 6:3, 7:5
37. 10. Januar 1993 Doha Hardplatz Flag of Croatia.svg Goran Ivanišević 7:6, 4:6, 7:5
38. 14. Februar 1993 Mailand Teppich Flag of Spain.svg Sergi Bruguera 6:3, 6:3
39. 13. Februar 1994 Mailand Teppich Flag of Czechoslovakia.svg Petr Korda 6:2, 3:6, 6:3
40. 7. August 1994 Los Angeles Hardplatz Flag of Australia.svg Mark Woodforde 6:2, 6:2
41. 21. August 1994 New Haven Hardplatz Flag of Switzerland within 2to3.svg Marc Rosset 6:3, 7:5
42. 30. Oktober 1994 Stockholm Teppich Flag of Croatia.svg Goran Ivanišević 4:6, 6:4, 6:3, 7:6
43. 12. Februar 1995 Marseille Teppich Flag of Czechoslovakia.svg Daniel Vacek 6:7, 6:4, 7:5
44. 19. November 1995 ATP-Weltmeesterschop Teppich Flag of the United States.svg Michael Chang 7:6, 6:0, 7:6
45. 28. Januar 1996 Australian Open Hardplatz Flag of the United States.svg Michael Chang 6:2, 6:4, 2:6, 6:2
46. 16. Juni 1996 London / Queen’s Club Rasen Flag of Sweden.svg Stefan Edberg 6:4, 7:6
47. 13. Oktober 1996 Wien Teppich Flag of the Netherlands.svg Jan Siemerink 6:4, 6:7, 6:2, 6:3
48. 27. Oktober 1996 Stuttgart Indoor Teppich Flag of the United States.svg Pete Sampras 3:6, 6:3, 3:6, 6:3, 6:4
49. 8. Dezember 1996 Grand Slam Cup Teppich Flag of Croatia.svg Goran Ivanišević 6:3, 6:4, 6:4

Dubbelt (15)[ännern | Bornkood ännern]

Legenn
Grand Slam (0)
Olympische Spelen (1)
Super-9-Reeg (2)
ATP Tour (12)
Wunnen na Belag
Hardplatz (5)
Rasen (0)
Sand (3)
Teppich (7)
# Datum Turneer Belag Partner Endspeelgegners Endresultat
1. 20. Mai 1984 München Sand Flag of Poland.svg Wojciech Fibak Flag of Romania (1965-1989).svg Florin Segărceanu
Flag of the United States.svg Eric Fromm
6:4, 4:6, 6:1
2. 23. März 1986 Brüssel Teppich Flag of SFR Yugoslavia.svg Slobodan Živojinović Flag of Australia.svg John Fitzgerald
Flag of Czechoslovakia.svg Tomáš Šmíd
7:6, 7:5
3. 19. Oktober 1986 Sydney Indoor Hardplatz Flag of Australia.svg John Fitzgerald Flag of Australia.svg Peter McNamara
Flag of Australia.svg Paul McNamee
6:4, 7:6
4. 29. März 1987 Brüssel Teppich Flag of SFR Yugoslavia.svg Slobodan Živojinović Flag of the United States.svg Chip Hooper
Flag of the United States.svg Mike Leach
7:6, 7:6
5. 5. April 1987 Mailand Teppich Flag of SFR Yugoslavia.svg Slobodan Živojinović Flag of Spain.svg Sergio Casal
Flag of Spain.svg Emilio Sánchez
3:6, 6:3, 6:4
6. 15. November 1987 Frankfort an’n Main Teppich Flag of Germany.svg Patrik Kühnen Flag of the United States.svg Scott Davis
Flag of the United States.svg David Pate
6:4, 6:2
7. 21. Februar 1988 Mailand Teppich Flag of Germany.svg Eric Jelen Flag of Czechoslovakia.svg Miloslav Mečíř
Flag of Czechoslovakia.svg Tomáš Šmíd
6:3, 6:3
8. 6. März 1988 Indian Wells Hardplatz Flag of France.svg Guy Forget Flag of Mexico.svg Jorge Lozano
Flag of the United States.svg Todd Witsken
6:4, 6:4
9. 19. März 1989 Indian Wells Hardplatz Flag of Switzerland.svg Jakob Hlasek Flag of the United States.svg Kevin Curren
Flag of the United States.svg David Pate
7:6, 7:5
10. 11. März 1990 Indian Wells Hardplatz Flag of France.svg Guy Forget Flag of the United States.svg Jim Grabb
Flag of the United States.svg Patrick McEnroe
4:6, 6:4, 6:3
11. 16. Februar 1992 Brüssel Teppich Flag of the United States.svg John McEnroe Flag of France.svg Guy Forget
Flag of Switzerland.svg Jakob Hlasek
6:3, 6:2
12. 26. April 1992 Monte Carlo Sand Flag of Germany.svg Michael Stich Flag of Czechoslovakia.svg Petr Korda
Flag of Czechoslovakia.svg Karel Nováček
6:4, 6:4
13. 8. August 1992 Olympische Spelen Sand Flag of Germany.svg Michael Stich Flag of South Africa 1928-1994.svg Wayne Ferreira
Flag of South Africa 1928-1994.svg Piet Norval
7:6, 4:6, 7:6, 6:3
14. 10. Januar 1993 Doha Hardplatz Flag of Germany.svg Patrik Kühnen Flag of the United States.svg Shelby Cannon
Flag of the United States.svg Scott Melville
6:2, 6:4
15. 19. Februar 1995 Mailand Teppich Flag of France.svg Guy Forget Flag of the Czech Republic.svg Petr Korda
Flag of the Czech Republic.svg Karel Nováček
6:2, 6:4

Statistik[ännern | Bornkood ännern]

Turnier 1984 1985 1986 1987 1988 1989 1990 1991 1992 1993 1994 1995 1996 1997 1998 1999 Tosamen Wunnen
Australian Open VF 1R - AF - AF VF S 3R 1R - 1R S 1R - - 29:9 2
French Open - 2R VF HF AF HF 1R HF - 2R - 3R - - - - 26:9 -
Wimbledon 3R S S 2R F S F F VF HF HF F 3R VF - AF 71:12 3
US Open - AF HF AF 2R S HF 3R AF AF 1R HF - - - - 37:10 1
Grand-Slam Wunnen/Verloren 6:2 11:3 16:2 11:4 10:3 22:2 15:4 20:3 9:3 9:4 5:2 13:4 9:1 4:2 0:0 3:1 163:40 -
Indian Wells Masters - - - S S AF HF - - - - HF 1R - - - 17:4 2
Miami Masters - 2R1 3R2 1R - - 2R 2R AF 2R 2R - - - - 2R 9:7 -
Monte Carlo Masters - 2R - 1R 1R F VF F AF 1R - F AF 1R VF 2R 21:12 -
Rom Masters - HF VF - 1R - - - - AF F - - AF - - 15:6 -
Hamborg Masters 2R - 1R - HF HF F - HF AF 1R 1R AF AF 1R - 16:12 -
Canada Masters - - S HF - - - - - AF - - - - - - 9:2 1
Cincinnati Masters - S - F - HF - HF - - AF 1R - - - - 19:5 1
Stockholm Masters - - - - S AF S S VF AF S AF3 S4 2R4 AF4 - 33:6 5
Paris Masters - - S - - S F AF S VF VF F 1R 2R 1R - 29:7 3
ATP-Weltmeesterschop - F F RR S F HF RR S - F S F - - - 36:13 3

1 weern in Delray Beach
2 weern in Boca West
3 weern in Essen
4 weern in Stuttgart

Leven[ännern | Bornkood ännern]

Ehn un Partners[ännern | Bornkood ännern]

Boris Becker un Barbara Feltus bi en Empfang in’t Slott Augustusburg in Brühl, Oktober 1992

Becker hett an’n 17. Dezember 1993 de Schauspelersche un Designersche Barbara Feltus heiraat. Ut disse Eh stammt de beiden Söhnen Noah Gabriel un Elias Balthasar. In’n Janjuar 2001 weer de Eh aver wedder scheedt. Sien Dochter Anna Ermakova stammt vun en Affär, de he mit dat russ’sch-afrikaansche Model Angela Ermakova harr, wat eerst later rutkamen is un vun Becker eerst nich recht an de Apentlichkeit bröcht weer.[3] Dorna weer he jümmer blots för korte Tiet Sabrina Setlur, Heydi Núñez Gómez, Patricia Farameh un Caroline Rocher tosamen. Mit dat nedderlännsche Model Sharlely „Lilly“ Kerssenberg weer he twee Johren (bit 2007) tosamen, un 2008 he vun August bit November mit Alessandra „Sandy“ Meyer-Wölden, de DOchter vun sien fröheren Manager, verloovt.

An’n 12. Juni 2009 hett he denn de negen Johr jüngere Sharlely Kerssenberg heiraat, de in’n Februar 2010 jemehrn Söhn Amadeus Benedict Edley Luis to Welt bröcht hett.[4]

Gewarf[ännern | Bornkood ännern]

As Ünnernehmer is Becker Besitter vun dree Mercedes-Autohüüs in Stralsund, Griepswohld un Ribnitz-Damgarten. Bito hett de Warf-Verdrääg mit Mercedes-Benz. He is Sellschopper vun de Völkl Tennis GmbH un Mitgrünner un Sellschopper vun de Boris Becker GmbH in’t Swiezer Küsnacht. Butendem maakt he Warf för de Beermarke König Pilsener, för dat Ünnernehmen DAS Rechtsschutzversicherung un verschedene annere Ünnernehmen.

As Manager för sien Gewarfssaken harr he vun 1984 bit 1993 Ion Țiriac anstellt, dorna hett dat bit 1996 Axel Meyer-Wölden övernahmen.

Medien[ännern | Bornkood ännern]

Na sien Profiloopbahn hett Becker veel in de Medien maakt. He is Tennis-Fackmann un Kommentater bi de BBC in Grootbritannien un weer butendem Reporter för PREMIERE un bi DSF. 2004 hett he de Talkshow Becker 1:1 modereert, de aver gau afsett worrn is. As Kolumnist arbeit he ok för dat Hannelsblatt (Düütschland), för Blick (Swiez) un för The Times (Grootbritannien).

In’t Johr 2003 hett he sien Autobiografie „Augenblick, verweile doch“ publizeert. Allgemeen weer Becker ok na sien Profi-Loopbahn noch wieter in de Medien – nich blots wegen sien Privatlevebn, wat vele intresseren de, man ok wegen sien Arbeiten un de Warfspots, in de he to sehn weer.

In’n November 2007 hett he noch en Book rutbröcht ünner den Titel „Was Kinder stark macht“. Dat Book is en Raatgever för Öllern, de jemehr Kinner in Patchwork-Familien grootteht.

Mit Boris-Becker.TV hett Becker 2009 en egen Videoplattform in’t Internett bröcht. Sien Anliggen is dorbi ünner annern, de egene Sichtwies o pprivate, gewarfliche oder sellschoppliche Themen to transporteren, ahn dat drüdde Medien dorbi inwirken doot.[5]

Stüerswinnel[ännern | Bornkood ännern]

An’n 24. Oktober 2002 is Becker vun’t Landgericht München I to en Haftstraaf vun twee Johren (op Bewähren) veroordeelt worrn. Butendem weer he in de Plicht, 300.000 € Geldstraaf to betahlen un 200.000 € Geldbööt an verschedene karitatoive Inrichten to överwiesen.

Becker harr in sien Stüerberichten afsichtlich verkehrte Angaven maakt, üm 3,3 Millionen Mark to sporen. To Anfang vun de Verhanneln harr de ehmolige Sportler togeven, dat he twüschen 1991 un 1993 in München wahnt harr, ofschoonst he offiziell in Monaco mellt weer. He geev to, dat he över de Gefohren Bescheed weten hett un dat ok in Koop nahmen harr. Liekers segg he, dat man em nich naseggen künn, dat he Innahmen ünnerslahn harr oder kriminelle Saken bedreven harr. Straafminnern weer vör den Staatsafkaat aver, dat Becker ruchweg dree Millionen Euro to’n Betahlen vun de Stüerschuld betahlt harr. Butendem harr dat Verfohren acht Johren duert un weer för Becker en grote Belasten wesen.

Anners wat[ännern | Bornkood ännern]

Becker is Mitgrünner vun de Cleven-Becker-Stiftung un he is Chairman vun de Laureus Sports for Good Foundation. Wieter is he Grünnenliddmaat vun de Laureus World Sports Awards. Bi’n FC Bayern München is Becker in’n Weertschopsbiraat. As Bottschopper vun’n Welt-Aids-Dag weer he 2005 ünner dat Motto „Gemeensom gegen Aids“ aktiv- Wieter is Becker Board Member vun de Elton-John-Aids-Stiftung.

In’t Johr 1996 is na em en Seesnick nöömt worrn: Bufonaria borisbeckeri Parth, 1996 (Mollusca: Gastropoda: Bursidae). As Wassfigur kann een Boris Becker bi Madame Tussauds in Berlin un London ankieken.

Rekorden[ännern | Bornkood ännern]

  • 1985 jüngste Wimbledon-Winner un to sien Tiet ok jüngste Winner vun en Grand-Slam-Turneers överhaupt (1989 is disse Rekord an Michael Chang gahn)
  • 1985 jüngste Matchwinner in en Davis-Cup-Endspeel un dor ok gliek Dubbeltwinner[6]
  • hett in 14 Daag (19. Oktober bit 2. November 1986) dree Turneren op dree verschedene Eerddeelen wunnen.

Utteken[ännern | Bornkood ännern]

Publikatschonen[ännern | Bornkood ännern]

  • Augenblick, verweile doch …, Bertelsmann, München 2003, ISBN 3-570-00780-4 (Autobiografie)
  • Was Kinder stark macht, Zabert Sandmann, München 2007, ISBN 3-89883-194-9 (Raatgever)

Borns[ännern | Bornkood ännern]

  1. "Wer tritt Boris endlich in den Hintern?", Sport-Bild vun’n 26. Mai 1993, S.40f
  2. "Das ist Mike DePalmer", Sport-Bild vun’n 26. Juni 1996, S.50
  3. Boris Beckers Besenkammer Das Ganze war ein Treppenwitz in de Süüddeutsche Zeitung vun’n 15. Oktober 2009 afropen an’n 17. März 2010
  4. www.sueddeutsche.de: Boris Becker wieder Vater vun’n 11. Februar 2010 afropen an’n 3. Juli 2012
  5. Boris Becker TV: 200.000 Videoabrufe in den ersten vier Tagen – Horrorwaty.de
  6. Davis Cup – Result

Weblenken[ännern | Bornkood ännern]

Commons-logo.svg Boris Becker. Mehr Biller, Videos oder Audiodateien to’t Thema gifft dat bi Wikimedia Commons.