Kevin Curren

Vun Wikipedia
Kevin Curren

Kevin Curren (* 2. März 1958 in Durban) is en ehmalger süüdafrikaansch, later US-amerikaansch Tennisspeler.

In sien Karriere wunn de 1,85 m groot Curren bi Grand-Slam-Turnieren veer Düppeltitel un stunn todem twee Mal in't Finale vun en Herreneenzel.

Curren verlor bi de Australian Open 1984 in' Finale gegen Mats Wilander in veer Satzen. In Düütschland is he besünners in Erinnerung dör sien Nedderlaag in dat Finale vun Wimbledon 1985. He verlor gegen Boris Becker mit 3:6, 7:6, 6:7 un 4:6, ofschons he dat beste Turnier in sien Loopbahn speel un de US-Amerikaners John McEnroe, dormals de Nummer 1 in de Welt, un Jimmy Connors, Finalist 1984, besiegt harr. Dorto keem en Sieg över Stefan Edberg in't Achtelfinale.

In sien Karriere wunn he all tosommen fiev Eenzeltitel un 26 Düppeltitel. Sien hööchst Waltranglistenpositschoon in't Eenzel weer Platz 5 (Juli 1985) un in't Düppel Platz 3 (Januar 1981).

1986 nehm he de US-amerikaansch Staatsbörgerschap an.

Weblenken[ännern | Bornkood ännern]