Bisdom Pjöngjang

Dat Bisdom Pjöngjang (koreaansch 천주교 평양교구) is en röömsch-kathoolsch Bisdom in de Stadt Pjöngjang in Noordkorea.

An’n 17. März 1927 is in Pjöngjang en Apostoolsche Präfektur un an’n 11. Juli 1939 en Apostoolsch Vikariat inricht worrn.

1945 weren üm un bi 15 % von de Inwahners in Pjöngjang Christen. Nadem aver de Kommunisten ünner Kim Il-sung de Macht övernahmen harrn, weer dat Christendom verbaden. De ole Kathedraal von dat Bisdom Pjöngjang weer bi en Flegerangreep von US-amerikaansche Truppen tweibummt.

An’n 10. März 1962 is ut dat Apostoolsche Vikariat en Bisdom worrn, dat as Suffragan dat Arzbisdom Seoul toornt is, aver in dat sülve Johr is ok Bischop Francis Hong Yong-ho verswunnen, de al siet 1949 in Haft weer. Vondaag is de Arzbischop von Seoul, Nicholas Cheong Jin-suk, as Apostoolsch Administrater för dat Bisdom Pjöngjang insett.

In’n Oktober 1988 is de Kathedraal von Jangchung neet as Seet von dat Bisdom inricht worrn, aver liekers gifft dat keen Bischop un in ganz Noordkorea ok keen Preester. 1963 harr dat tominnst noch 20 Preesters geven.

2007 hett de Vatikaan anfungen to överleggen, wat se nich de 53 kathoolschen Karkenlüüd, de twüschen 1949 un 1952 in de noordkoreaanschen Lagers doodbleven sünd, selig to spreken.

Baaslüüd

• Präfekt Patrick James Byrne (9. November 1927 – 12. August 1929)
• Präfekt John Edward Morris (1. April 1930 – 31. Juli 1936)
• Präfekt William F. O’Shea (11. Juli 1939 – † 27. Februar 1945)
• Bischop Francis Hong Yong-ho (24. März 1944 – )

Administraters

• George Carroll (1962 – 1975)
• Stephen Kim Sou-hwan (1975 – 1998)
• Nicolas Cheong Jin-suk (1998 –)