Francis Hong Yong-ho

Vun Wikipedia
Francis Hong Yong-ho (Foto vör 1950 opnahmen)

Francis Hong Yong-ho (koreaansch 홍용호 프란치스코; * 12. Oktober 1906 in Pjöngjang) weer de Bischop von Pjöngjang.

Hong is 1906 in Pjöngjang boren un an’n 25. Mai 1933 to’n Preester wieht worrn. An’n 24. März 1944 hett Paabst Pius XII. em as Nafolger von William F. O’Shea to’n Apostoolschen Vikar von Heijō un Titularbischop von Auzia maakt. An’n 29. Juni 1944 is he denn von Bischop Josef Bonifatius Sauer konsekreert worrn.

Hong is 1949 in Haft kamen, nadem de Kommunisten ünner Kim Il-sung de Macht in Noordkorea övernahmen harrn un is denn duurhaftig in Haft bleven. An’n 10. März 1962 hett Paabst Johann XXIII. ut dat Apostoolsche Vikariat Pjöngjang en Bisdom maakt un Hong is Bischop worrn. Liekers hett’n von Hong siet 1962 nix wedder höört un he is verswunnen bleven. Offiziell gellt he för de kathoolsche Kark jümmer noch as Bischop von Pjöngjang, ok wenn he vondaag wiss dood is.